لجلكم صارت الدنيا =وانتم صرتوا سادتها الرساله بيكم اكتملت= وبيكم علت رايتها قناديل ابسماء الكون= بقيتوا ابقمة التاريخ الصحف كلها قرينها =ونسخنه الكتب تنسيخ مجدكم ما مثل مجده =وعلمكم يرف عالمريخ شكثر مجدكم القرآن صرتوا للمحب عنوان = ابمحبتكم شرفنا ازدان البشر تگصدگم اوتدري= لئن تقضون حاجتها فخر يكفيكم اواحنه =حبكم فخر يكفينه على حبكم ترعرعنه= ومن حبكم تغذينه من منهل ولايتكم =ومن حبكم تروينه ونبقه اشما تمر اسنين ابحبكم دوم ملتزمين=لئن منكم عرفنه الدين ومحبتكم تظل تزداد =وتتكشف حقيقتها نكتب نبچي اونلطم= الكم نبقه مطلوبين الشهاده اتفصلت الكم =بدماكم شاد هذا الدين ياهو الماگضه منكم= بالسم بالچتل راضين الشهاده ابشرف حزتوها حياة الذل رفضتوها = الكرامه ابعن شريتوها الكرامه الكم اوبيكم =ومنكم خذت عزتها الحياة ابذل رفضتوها= لچن احنه شريناها انذلينه اوبعد ننذل= وبذل صرنه نتباها لئن منهجكم اتركناه =النفس تمشي على اهواها بس بالاسم صرنه اسلام لاچن للصدگ ظلام = تطشرنه اواچنه احزام رضينه اشما يمر بينه= تبعنه النفس شهوتها تصدق هالحديث اليوم= القابض على دينه چالقابض على جمره =وهاي الجمره تچوينه وبعض يتظاهر اباسلام =والزهده يراوينه وعسه لا تطلع وتشوف خنزير اوكبعله ابصوف =فوگ العسل سم ايدوف وامه الصارت ابها الحال= عسه لتشوف حالتها چانت امة الإسلام =من خير الامم تنعد فقدنه كل كرامتنه =واصبح عزنه امفرهد المنكر ما يبارحنه =واليحچي الصدگ ينرد شجانه اليوم بينه اشصار نحط الحطب فوگ النار =توطننه اوكبعنه ابعار وامه التفتخر بالعار= هم اتعرگ گصتها ابها الحاله وضعنه صار= والمن نشچي الحاله اخوك اتشوفه من ايطيح =وانته اتخاوي چتاله شچانه وصار واحدنه =يتخوف من اخياله فقدنه كل رجولتنه وتفرقت چلمتنه=رضينه احنه ابمذلتنه وامه الترتضي بالذل =عساها اتگرب ساعتها ما غيرك يبو صالح = عللنه انته تداويها امراض الطحنه بيها اليوم= بس سيفك يشافيها اشوكت يبن الوديعه اتثور= وهاي الرض تمليها عدل بعد الظلم والجور وتطلب بالدم المهدور= چم ثار اوبقه مذخور الك يبن الحسن ثارات اشوكت تنهض الطلبتها جدك تاسع اليمه= الجواد مصابه هذا اليوم اشذنبه اوسمه المامون= وبسمه صبح مالوم مثل جده ثلث تيام= ظل يبن الحسن محروم وحده فوگ سطح الدار وبچبده تشب النار =اشوكت تنهض اوتطلب ثار وامة جدك الهادي انته= اتعيد فرحتها