هاليوم لجل الحسن و مصيبته=مالومه و تهل الدمع شيعته ﭼم جرح شافت عترة المصطفى=لليوم ينزف و الألم ما شفه ضي الكرم و الجود وسفه انطفه=و غابت مصابيح الهدى بغيبته أظلمت الدنيا و غيمت بالمحن=هاليوم أنوار الهدايه انطفن و جبريل هل دمعه على فﮕد الحسن=و بيت الرساله خيم بوحشته بعيوني خل دمعﭻ يهل من دمه=لغياب شبل الوصي حامي الحمه واسي الزجيه الطاهره فاطمه=على مصاب ابنها القطعوا جبدته ريت الزﭼيه بهالوضع حاضره=و تشوف أبو محمد بحاله شجرى سم الغدر وي دمعه لمن سره=يتلوى ﮔام يلوع برويحته شحال أبو اليمه حسين لمن نظر=الأبن امه من سلم الأمر القدر ناداه يا خويه حنيت الظهر=يالعفت أخوك بﭼف ظلم دنيته نادا و دمع العين عالخد يصب=و نار المصيبه بمهجته تلتهب يبن أمي فﮕدك علي كلش صعب=يا ضوه الخوه و العدا طفته يحزام ظهري بعد شحمل صبر=يا خويه عﮕبك شلي بهذا العمر ما حسبت يلفيك سم الغدر=دﮔعد لخوك و ساعده بمحنته ريت الحسن حاضر بطف كربلاء=و يشوف أخوه شلون وليه انولى منهو الدفن جثته و من غسله=و صدره حوافر خيلهم رضته