آني زينب آني اليحجون عني اشلون أبقى غريبة .. بوية ليث الحريبة آني زينب آني اليحجون عني آني زينب راية العز والفخر = بوية حيدر والدهر يشهد على أفضالي كان أبوية اليحرسني ابطلعتي = اويطفي أنوار الدرب لا يبين اظلالي يا عجب بعد الدلال اللي مضى = ابكربلا بعد الأحبة هذي أحوالي لو تشوف اللي جرى لي يالأبو = اقطع ادروب اليسر واني بلا والي ياهي سفرة عصيبة = منهو لي التجي به آني زينب آني اليحجون عني اشلون أبقى غريبة .. بوية ليث الحريبة آني زينب آني اليحجون عني راحت أيام المعزة يا علي = بعدك او لون الهضم خيم على اعيوني لو تجي اوتنظر لي ابوسط العدى = من بعد عزك يا بو الحورا يذلوني امدللة حيدر ياوسفى تنضرب = والشمر يا بوية سوطه ورم امتوني ترضى يا حيدر لزينب تنسبي = واطلع الشام او على الهزل يركبوني قلبي يسعر لهيبه = والمدامع سجيبة آني زينب آني اليحجون عني اشلون أبقى غريبة .. بوية ليث الحريبة آني زينب آني اليحجون عني بوية باعتاب الدهر قلبي انفطر = شاحتمل باحزاني من هالمحنة يا حيدر سفرتي وآني أسيره امقيدة = ويَّ أيتام او حرم نطوي فيافي البر أنظر ابدمعي يتيمة امحيره = او طفل مفجوعِ يناديني وأنا ما قدر ولو لهيب ابعيني وانظر للسِما = لاح إلي اعلى الأسنة راس أبو الأكبر أنشده وأنتخي به = واللي راح إش يجيبه آني زينب آني اليحجون عني اشلون أبقى غريبة .. بوية ليث الحريبة آني زينب آني اليحجون عني يا قلب يقدر أيشيل امصيبتي = من دخلت المجلس ابقيدي يا بو الحسنين بايدي آثار السلاسل والسياط = شي الفكر يابوية قلي وين الوذن وين اوحولي أطفال أو نساوين او عليل = وجهي ابدون الستر تتصفحه كل عين يا علي بس الي هز منِّي الصبر = بالطفت من عيني شافت راس أخوية احسين ما حتمل ابهالمصيبة = وقلبي ظل ابنحيبه آني زينب آني اليحجون عني اشلون أبقى غريبة ..بوية ليث الحريبة آني زينب آني اليحجون عني