چف الحقد لمن وصل ثغر حسين=وينك يعباس صوت العقيله وهذا صوت الچفين=وينك يعباس هاك استمع صوت الثغر كل العجب رأسك صبر وينك يعباس وينك يسبع الگنطره=للخوه انته المقياس ظل العلم يم النهر=والغيره ظلت بالرأس يضرب ثنايه ابن النبي=وتشوفه وانته العباس صح انته رأس عله الرمح لاسيف لاچف اليصح بس غيرتك ويه الجرح لو صاحت يصيح القدر=وينك يعباس ظالم يصيح ام الخدر=يم رأس اخوهه بغايه وين اخوتچ يابت علي=خل تحضر الحمايه وعيون ابو اليمه بزعل=صدن لراعي الرايه عباس اختنه بيا وضع تبچي ويعاتبنه الدمع احاه يچف المنگطع اسمع ينادي عله النهر=وينك يعباس بعدك يچفال الحرم=غير الحزن ما عدهه لاكن شجاعة حيدره=بكل موقف تجسدهه صرخه وتظل طول الدهر=كل ثائر يرددهه لاكن اشد من اليسر وگفتهه بين اهل الغدر تميل ويتچبهه الصبر وكل دمعه ترجمهه الدهر=وينك يعباس فزت يتيمه من الحلم=ما تنوصف حالتهه من جابو الرأس بطشت=وتلگته بدمعتهه نامت عله الرأس وبعد=ما تنسمع ونتهه هالطفله ماعادت تون لا حسره لادمعه بچفن لمن اجتهه ام الحزن شافتهه ميته عله النحر=وينك يعباس يابه الفضل طبع الحرم=بس للكفيل تنادي طفله عله الرأس انتهت=طفله انتهت بالوادي والحادي يضربهه بحقد=چتال ابوهه الحادي ظالم ولاهه بلا رحم تمشي وتطيح من الالم كل نظره ياراعي العلم احظر تصيح من الخطر=وينك يعباس عيني عله عينك باليسر=وعين الحسين لعينك نظرة تمني لرايتك=يابه الفضل بيمينك يالنظرتك موت الخصم=عن هل المصايب وينك يالركبتني بمحملي مهظومه يا ضنوة علي وينك ترجعني لهلي من غيبتك ظهري انكسر=وينك يعباس