أربع أقمار ايعرفوها=من نسأل ليش ايعادوها نسأل محد يمنعنا=خلي العالم يسمعنا من نسأل ليش ايعادوها نسأل بالروح الجرح=ينزف بحرگه وعبره ليش الحقد كل الحقد=أعله اگبور ولد الزهره من هدموها بلا رحم=بكل گلب صارت جمره نار وتشب ماتنطفي=تبقه بألم مستعره ماتبرد كل نار البينه=اله من يظهر مهدينه ونصرخ من بعدك ضعنا=خلي العالم يسمعنا من نسأل ليش ايعادوها من هدموا گبر الحسن=بلا رحم گوم الأشرار ماراعوا الحرمه اشعجب=ولا فكروا بالمختار والسبب معروف السبب=والمن نظم الأسرار لن والده حيدر علي=حيدر علينه الكرار خل يسمعنا اليحچي اعلينه=حيدر بالدم يسري وبينه بس حب حيدر يرفعنا=خلي العالم يسمعنا من نسأل ليش ايعادوها أهل الظلاله والبدع=وأهل الجهل والإلحاد بلا رحم ذوله بلا رحم=هدموا گبر السجاد ارض البقيع اتشرفت=من حوت هاي الأجساد بس موغريبه اللي حصل=وهاي المشاهد تنعاد عادوها الظلام الكره=من هدموا مرقد سامره هذا الواقع واقعنا=خلي العالم يسمعنا من نسأل ليش ايعادوها حسبوا همه بهل فعل=ايمنعون كلمن زاير گاصد يزور ويندعي=وايمنعه حاكم جاير مادروا صار بكل گلب=وانبنه اتشيد حاضر مرقد يشع بين الأفق=وبكل گلب للباقر للباقر شيدنه بدمنه=مرقد والظالم ميهنه دافع عدنا ويدفعنا=خلي العالم يسمعنا من نسأل ليش ايعادوها والمذهب أيون وشكه=من جور ظالم حاكم من قرر ايهدم گبر=لأشرف إمام وعالم جعفر الصادق والنعم=معروف عند الوادم ويتشرف لهذا الاسم=واحدنه يصبح خادم خدام ونتباها بحبه=ونعاهد منزل عن دربه حب الصادق يجمعنا=خلي العالم يسمعنا من نسأل ليش ايعادوها