لَخْتِ الرِّضَا الْيُومْ غَنَّتِ الْأَطْيَارْ=هَنُّوا أَبُوهَا وْأُمْهَا وِالْأَطْهَارْ اِبْحَادِي ذِي الْقِعْدَة بِتْ مُوسَى فَاطِمْ=جَتْ إِلَى الدِّنْيَا وْأَشْرَقِ الْعَالَمْ وِاِبْتِهْجَتِ الْحُورْ لَلْهُدَى الْقَادِمْ=مَحْلَاهَا دُرَّة وْحِلْيَةِ الْأَبْرَارْ فَاطِمْ إِسِمْهَا مِثْلِ اِسِمِ اُمْهَا=مِنْهَا اِتِّوَرَّثْ عِزْهَا وْفَخَرْهَا هَاذِي السُّلَالَة طَيِّبْ أَثَرْهَا=لَنَّه أَصِلْهَا طَهَ الْمُخْتَارْ لَيهَا كَرَامَاتْ وِيَّه مَعَاجِزْ=چَمْ شَفَتْ مَشْلُولِ وْدَاوَتْ لَعَاجِزْ وَاَذْهَلَتْ أَلْبَابْ كُلْ مَنْ يِعَاجِزْ=وْخَلَّتَه مَبْهُوتْ لُبَّهِ أُو مِحْتَارْ وِشْتِْنِطِر الْيُومْ يَلِّلي تِحِبْهَا ؟=گِصِّ التَّذَاكِرْ وْسَافِرْ لَجِلْهَا تَرَى الْمَصَارِيفْ هَذَا مَحَلْهَا=حَجُّ وْزِيَارَةْ إِلْعِتْرَة لَبْرَارْ يَرَبِّي بِيهَا إِغْفُرْ ذَنِبْنَا=زِيلِ الظُّلِمْ عَنْ كَاهِلْ شَعَبْنَا وْشَافِي الْمَرْضَى إِنْتَه أَمَلْنَا=وِاِنْصِرِ الْقَائِدْ وِابْنَهِ الْمِغْوَارْ وِانْ شَالله كِلْ مَنْ رَبِّي يِعُودَه=كِلْ عَامِ اُوكِلْ عَامْ فَرْحَة جَدِيدَة يَاكِلِ الْحَلْوَى وِيَّه الْعَصِيدَة !=وْيِشْرَبْ سَفِنْ أَبْ فَايِضِ وْفَوَّارْ !! لَخْتِ الرِّضَا الْيُومْ غَنَّتِ الْأَطْيَارْ=هَنُّوا أَبُوهَا وْأُمْهَا وِالْأَطْهَارْ