من ليه بعدك=يالوافي وعدك ما أقدر يبويه=لحظة على بعدك من همي وضيعة عمري خذني يبويه هايمة بليل=طايرة عند الأب من ظلمة الشام جنها وردة=هبت عليها رياح جروح وآلام مسافرة هناك=مرفرفة للعالم الأعلى بالأحلام في قلبها جرح=ما ظنتي بعد في ساعة يلتام جنها جاها حسين وخلاها في حجره مسح راس الفاقده ودموعه أجرى قلها يا بنيتي العلي يعظم لج أجره ناري لعيونج لهب يتنامى وجره جنه قرب يالعزيزة الملتقى وياج فت مسامع قلبي ونج الله يرعاج والجسد يضطرب بالغبرة من بجاج يالقضيت أيامي في حبج وفي رباج جنها حست=بالفقد وفزعت من النومة تنحب وينه بويه=تصرخ بحسرتها يا عمة يا زينب من بلياه=عيشي في هذي الدنيا لحظة يصعب وانتي كل يوم=تقولي ليه في سفر والصبر يتعب اني ماليه صبر يا والدي عليك والله مشتاقة بدموعي أروي خديك يالمطول غيبتك وينك وأناجيك والله مشتاقة عدد ماي البحر ليك واعدني ياللي ما تخلف بوعدك انك تجي ليه تآخذني من أعداك وجنه حيني حان وانت بويه بعدك وأدري حاشاك الخلف بالعهد حاشاك وعلت ضجات النساء=وتصايحنا بيك .. آه يا مذبوح وسمع ذاك الطاغية=نوح اليتامى .. غربة النوح فزع بعرشه وثار بعروقه شيطانه و غضب علا الصوت شاللي يدور هنانه إله قالوا طفلة إلى أبوها ولهانة وعليه تطول نحبتها وجعانه يا عساكر يا حراس=ليه الساع جيبوها فزعتنا هالطفلة=راس حسين راووها لببوها .. واسحبوها=للدعي بالأقياد والدمع في .. خدها يجري=والقلب وقاد وليها جابوا .. راس أبوها=مسترينه عاد وهي تبجي .. أرد ابويه=ما أريدن زاد وينه ابويه .. اني غريبة=لشوفته روحي لهوفة ما أريد اني .. زاد ومشرب=ما اريد إلا أشوفه شالوا الرداء .. عنه العدى=وإلا راس حسين يلوح بحسرة ضمته .. بحسرة شمته=وأعولت يا روح الروح آه يبويه وينه جسمك يا منحور شاللي شاله من وريدك المبرور ويلي واويلاه=من هبر أوداجك جابك ليه بس راس من يتم قلبي=من شوه جمالك منهو شوه الأضراس من إليه من لليتامى وهالنسوان وينه وعدك يالماتخلف يا عطشان وعدك تآخذني=يالله اوفي ليه الساع خذني من هم دنياي أدري يبويه=من جسمك وأوصالك توفي وعدك جاي واحزني و فجعة قلبي بك يا حسين ليت يبويه قبل ما أشوفك مالي عين يا عزي ويا ضي عمري وفي الدين شوفي أحوالي وخذني عندك للطيبين