بسايلك يا خيل = شيرجعك خالي حرمة و يتامى و ليل = ما ترحم بحالي وينه الولي = و باﮔي هلي شلرجعك خالي يا خيل يا شاعب ﮔللوب النساء = عالي التصهال يا خيل فتني مجيك للخيم = من غير خيال يا خيل تدري بخيمنا الي بﮕت = بس نسوة و أطفال يا خيل هذا الي منك والله لا = ما مر على البال يوم السمعنا الحمحمة = بالونة ونينا ﮔلنا رجع حامي الحمى = ليه والله حنينا من بينت بس بالدماء = ضاعت أمانينا صوت الدمع هز السما = سور الحرم وينه من ايدي أخويه راح = يا ضيعة آمالي و ظليت أدﮒ الراح = و أتأمل عيالي ظهري انكسر = آه يا مهر شلرجعك خالي بسايلك يا خيل = شيرجعك خالي حرمة و يتامى و ليل = ما ترحم بحالي وينه الولي = و باﮔي هلي شلرجعك خالي رجعه من غير أبو سكنه ألف = لا حيها رجعه رجعه إﮔصد الحومة و الولي = للخيمة رجعه رجعه استرجعت لله الوكيل = و هاي رجعه رجعه نرجع لطيبة و انته مو = ويانا يَحسين خذني رجوعك يا مهر = عينك دمع سايل و عنانك يخط الأرض = بيك السرج مايل اشهد وﮔع ﮔللبي الك = ﮔللبي وجع شايل وين الي ﭼان بصهوته = الصايل الجايل كل العشيرة تروح = غالي بعد غالي ﮔلت بدمع مسفوح = هذا الا يبﮕى لي و تالي ترد = وحدك فرد شلرجعك خالي بسايلك يا خيل = شيرجعك خالي حرمة و يتامى و ليل = ما ترحم بحالي وينه الولي = و باﮔي هلي شلرجعك خالي فتني صوتك خطف لوني و شلع = ﮔلبي وفتني فتني ﭼنها وفاتي برجعتك = خالي وفتني فتني وفيت أنا و أيامي كلها = ما وفتني فتني بعد الولي أﮔضي حياتي = بصبر من وين دلني يا مهر لمصرعة = باداوي جروحه بلكت أوصله يا مهر = ما فارﮔت روحه ﭼني أحس بنبرته = و بونته و نوحه تدري العقيلة بالخيم = عالوالي مذبوحه هد الزمن الأضلاع = و غيره عمد ما لي و صرت أدفع الأوجاع = بيميني و شمالي و ﮔللبي انطبر = رد الخبر شلرجعك خالي بسايلك يا خيل = شيرجعك خالي حرمة و يتامى و ليل = ما ترحم بحالي وينه الولي = و باﮔي هلي شلرجعك خالي والله منﭻ يا ريحانة علي = مَﮕدر على اللوم و آنا ما مر عليَه بكل حياتي = مثل هاليوم ويلي عالي تدوسه الأعوجيه = و ما قبل سوم ودي لو عندي ﭼف أحمل حسامه = و أفني هالﮕوم ترى أخضب حسرتي = من نازف وريده ترى عناني أجعله = يتدلى في ايده كلما له ظهري خادمك = بس ﮔلي شتريده انته و أنا و هاي الحرب = بالعسكر نبيده شده بطرف العنان = من هالنحب عالي و هالمنجدل عطشان = بالغبرة دلالي ودني اله = خلني أحمله شلرجعك خالي بسايلك يا خيل = شيرجعك خالي حرمة و يتامى و ليل = ما ترحم بحالي وينه الولي = و باﮔي هلي شلرجعك خالي