هدهد سليمان ﮔلبي مشتاق الحبيبه .. امْن السّفر ياهو اليجيبه .. ظل مثل هُدهُد=مثل هُدهُد سليمان يا وكت يرجع=وكت يرجع للوْطان ابثغري يتردَّد سُؤال=وانا سارح بالخيال ﮔلبي من أشواﮔه مال=وارتحل لجْل الوصال هُوّ عاشق لِرْتحال=يا وسف واغيابه طال أحيا من بعده مُحَال=اليا بلَد شَدِّ الرحال عايش ابغيبة دليلي .. واسهر ابهالفرﮔه ليلي .. صَدْ عَنِ اعيوني=عَنِ اعيوني و لا بان يا وكت يرجع=وكت يرجع للوْطان يا عجب من ﮔلبي طار=يطوي هالبر والقِفار سافر ابليّا اعتذار=ولا خَبَر منّه و شِعار ارْد انشْده بلِّي صار=ﮔاصد انته اليا مَزَار تدري مُرِّ الإنتظار=يشعل ابهالمهجه نَار أعتب اعلِيه وأﮔلّه .. يا ﮔلب يا مَنْ تخلّى .. عنْ جرح صدري=جرح صدري ولشجان يا وكت يرجع وكت=يرجع للوْطان عَاتبِتْ ﮔلبي اللّي راح=وخلّف اعْليّه الجِراح ﭼم نجم لعيوني لاح=واسهر انا للصّباح حصّل امنين الجناح=وسافر ابكلّ ارتياح لَشْهُر ابوجهه السّلاح=لُو طلب منّي السّماح ما أعذره ابهالخيانه .. سافر وخان الأمانه .. ما غفت عيني غفت=عيني ولجفان يا وكت يرجع وكت=يرجع للوْطان لَنْها ساعه ابهالظّلام=جَاني ﮔلبي ابكلْ هيَام مستحي و يبدي الكلام=ﮔلّي لا تبدي الخِصام هسّه جيت امْن الإمام=زرته بالحُبْ و الغرام وهَمْ جبِتْ لَكْ هالسّلام=من علي فخْر الأنَام وانا صحْت ابكلْ هيامي .. هَمْ صدق رحْت الإمامي .. هَبْ نسيم الحُبْ=نسيم الحبْ و للحان يا وكت يرجع=وكت يرجع للوْطان سامحِتْ ﮔلبي اللّي خان=بالعهد واخلى المﭽان واشكره ابكلّ امتنان=وصدّرتْ هذا البيَان يا ﮔلب هَاك الأمان=بَلْ إِخذْ منّي الحنان تستحق حتّى الجنان=يل زرتْ فخْر الزمان إرجع الجسمي وتهادى .. والضلع يصبح وِسَاده .. خِذْ مِنِ اضلوعي=منِ اضلوعي غِصن بان يا وكت يرجع=وكت يرجع للوْطان يا ﮔلب حﮕك تغيب=ما يِهمْ ابﮕى كئيب ﮔصدك اتزور الحبيب=حَيْدَره اليطفي اللهيب بالمرض هُوّ الطّبيب=وعنده يأمن كلْ غريب وانا اتمنّى النّصيب=يمْ علي ذاك المَهيب أبعث اشواﮔي وغرامي .. للوصي حيدر إمامي .. شَع ضيا المولد=ضيا المولد ولحسان يا وكت يرجع=وكت يرجع للوْطان