يا حيدر .. يا حيدر اشلون المرادي شﮓ راسك=و انته المعروف بشدة باسك مهيوب و تشهد لك غزواتك=و الجبهات تتحدد عزماتك يا حيدر .. يا حيدر خَلنسأل خيبر يابو الحسنين=خَلنسأل بدر و نسأل صفين منهو يشﮓ الفرسان لنصين=من غير يا رافع لوا الدين يا حيدر .. يا حيدر خَلنسأل مرحب وِش حَل عليه=لمن صحت بخيبر أنا حيدر ماله مهرب يحميه=أرديته و ضل بدمومه معفر خَلنسأل عمرو يوم الأحزان=تبرز له بكل همة و حماسة معروف بعزمك يا داحي الباب=عزمك لا ما يمكن قياسه يا حيدر .. يا حيدر و يا يوم توجع بيه المحراب=و تحير من هالضربه الكتاب يالي من وجوده الفرسان تهاب=متصوب يا حيدر ﭼم صواب يا حيدر .. يا حيدر حتى الوزات بيومك ناحت=و آساد البر بمصابك صاحت و الدنيا بعين الحورة ماجت=ياهو ﮔللبه اليتحمل المصاب يا حيدر .. يا حيدر يا حيدر يالقرآن الناطق=بيك انفسر آيات القرآن يا شمس الدين و معدن وحيه= يا باب التقوى و روح الإيمان غالوك و غالوا كل المحبين=يا آية من الجبار الرحمان فزت و رب الكعبة بهالضربه=و خليت الأمة تصارع طوفان يا حيدر .. يا حيدر و يا ساﮔينا من ماي الكوثر=يا حيدر حبك أعذب سكر تسﮕينا الحب بكاس التقوى=يالحبك يوم المحشر معبر يا حيدر .. يا حيدر يالقاسم بين الجنة و النار=إنته الشافع في يوم المحشر يالإسمك منقذنا من النيران=بإسمك للجنة إحنا نتصدر يا حيدر .. يا حيدر يا حيدر يابو الغوث أدركنا=إسمعها بعالي الصوت صرختنا ماحد غيرك عند الشدايد=يحضرنا بكل محنة و يسمعنا ياذو القرنين تناديك الروح=من يأجوج و مأجوج خلصنا يا منقذ يونس من بطن الحوت=إنهض يابو الحملات أدركنا يا حيدر .. يا حيدر يالقاسم بين الجنة و النار .. إنته الشافع في يوم المحشر .. يا حيدر .. يا حيدر