شعراء أهل البيت عليهم السلام - جينا ننشد كربلاء مضيعينها

عــــدد الأبـيـات
19
عدد المشاهدات
20466
نــوع القصيدة
عامية
مــشــــاركـــة مـــن
تاريخ الإضافة
24/08/2010
وقـــت الإضــافــة
8:07 صباحاً

جينا ننشد كربلاء مضيعينها=بيها زينب قالو ميسرينها يسروها و لا لها واحد فزع=شال حادي ضعونها بساع و ﮔطع جينا ننشد وين أبو فاضل وﮔع=ما تدلونا الشريعة وينها بس أشوفه و العتب مني يزول=و أدري ابو فاضل على النخوة يجود عذرة حﮕه يﮕول مﮕطوع الزنود=حال ملﭻ الموت بين بينه و بينها جينا ننشد كربلاء عليها العتب=نﮕول هاي رجال و تدور الغلب حرمة زينب بأيش مطلوبه بذنب=فوﮒ ﭼتل حسين و مسلبينها أرد انشدك كربلاء عن النزيل=شلون ضعن الحرم شال بلا دليل ﭼان ﮔلتيلي يعاونه العليل=بالمرض مشدوه وينه و وينها أرد انشدﭺ هم صدﮒ بالشام عيد=و حطو بطشت الذهب راس الشهيد و من نشد زينب بديوانه يزيد=جاعده لو واجفة مخلينها جينا ننشد عالعليل من انولة=فوﮒ ظعف المرض هلبلوى ابتلى ليش ما غاصت بأهلها كربلاء=من ﮔطع بالسيف راس حسينها جينا ننشد كربلاء و زين العباد=الروس شالوها و بﮕت بس الأجساد شلون جسمك سيدي من المرض بات=ما حصل واحد حضى بتﭽفينها جينا ننشد كربلاء عن العيال=شلون ﮔلي بلا ولي هلضعن شال شخلو السبعين من غير الاطفال=مذبحة ويلي ولا مسجينها جينا ننشد كربلاء و الدمع زاد=بيه أمية ﮔضت بحسين المراد كربلاء عليها بﭽت سبع الشداد=وين شيعتها شسبب ناسينها
Testing