هاي ام البنين الباري صفاها=باب المرحمه للشيعه خلاها هاي ام البنين التشهد لهه الناس=صارت للوفه مضرب مثل تنقاس خشع هام المجد لام البطل عباس=معاني من القداسه يفيض معناها أهي باب الحوائج للخلگ مفتوح=وهي دمعة حزن لحسينها المذبوح فدته من البنين باربعه وتنوح=تﮕول مقصره لبن النبي طه جليله وطاهره ومكرومه عند الله=نحبهه ونعتقد الهه الفضل والجاه ميخيب الذي من كربته وبلواه=اذا الهه بلهف گاصد تعناها ماتت بالحزن تنحب على الوليان=گضت هذا العمر بس تندب العطشان وضلت للوفه والتضحيه عنوان=ولزينب بﮕت تتلوع وياها اجت عند الوصي والدمعه فوگ العين=غيّرلي الاسم يا والد السبطين اخافن ينفجع گلب الحسن وحسين=وبأم البنين الهادي سماها صانت للرساله وحصلت امجاد=وفدت سبط النبي بالاربعه الاولاد ويوم من السبي ركب الحراير عاد=اجت تنشد بشر بالعبره تلﮕاها وگفت عالدرب تتنطر المضعون=وما همه الخبر عن جعفر ولا عون بس حسين سالم يرجعلها كون=ولن صوت النواعي يفتت احشاها وگالت يابشر خبرني عن رجواي=عن سبط الرساله وفرحتي بدنياني خبرها الخبر بس الحرم وياي=وحسين انذبح والعتره ضحاها تمنينه البقيع بكربله ونشوف=گبر لام البنين الناس بيه اطوف ولا عند الوهابي مهدم ومخسوف=گبور اهل المجد بالﮕاع شواها ننصبلك عزا يم البنين اليوم=نعزي المرتضى والمنذبح مظلوم ويم گبر الﮕمر ننثر حزن وهموم=على امك سيدي الدمعه جريناها