يـــا نـعـمة وجــودك سـيـد الـكـونين         يــا ســر الاســرار الـمـاحصاهن عـد
يــا قــدس الـقـدس يـاهـيبة الـجـبار         يـــا قـبـظـة الـقـابض يـامـنيع الـسـد
يـا ألـفه ومـحبه ورحـمه مـن سـواك         يـــا أســـم الـــودود الـبـيك يـتـجسد
يــا لـوحة الـباري الـبيها خـط الـكون         وسـبعه امـن الـسماوات الـعلى عدد
وسبعه أمن الجنان وعرش والكرسي         وقـلم ولـلوح بيه كلشي انكتب وانحد
وشـمـا خـلق الله أمـن ألامـلاك وزاد         كـلـهـا ابـنـص حـلـقتك غــدت تـتـعبد
مـاگولن تـهدم طـاگ كـسرى وطـاح         ومـــاگول الـمـجوس ونـارهـا تـخـمد
ومــاگولـن جـهـنـم بـابـهـا ايــسـدوه         ومـــاگول الـجـنـان وطـيـرها الـغـرّد
ومـاگول الگمـر شـد حـيله بـحزامين         وســواهـا نـهـار وخــاف لـيـله ايــرد
ولاگول الـشـمس تـتـمرد او مـتـغيب         لـجـل امـحـبتك تـريد الـضوه سـرمد
ومـاگول الـنجوم انـولدن أمـن اجديد         وعـمـرها الـفـات ذاك الـعمر مـاينعد
اگول اشـلـون گاع الـمـنك انـخـلقت         تـشـيـلك يـاعـجـيبه اشـلـون مـاتـنهد
اذا واحـــد يـصـلي اعـلـيك يـامـولاي         الــف مــره ويـطـب الـجـنه مـايـنرد
صـلوا اعله الحبيب السرّه مامعروف         بـــس حـيـدر والله ومـايـعرفه أحّــد