مـن مثلي شافت ظيم من مثلي بالهم         لاجـــرح لاجـرحـيـن بـــس الله يـعـلم


آنــه أخــت عـبـاس اتـعـرفوني زيـنـب         مــن مـثـلي بـالالام مـن مـثلي تـنحب
وجـمـر الـحزن بـالروح لـلساعه يـلهب         مــو مـاي دمـعة عـين اجـريها مـن دم


ابچي واهــل الـعين دمـعه اعـله دمـعه         بــلچن زمـانـي الـفـات ربــي يـرجـعه
اسـنين الـعمر لـحسين اعـلگها شـمعه         كل عمري فدوه ايروح بس هوه يسلم


هــم الـفـراگ ايـهـون يـحسين احـمله         صـعـبـه يـخـويه هــاي لاتـظـن سـهـله
بـيـن الـحـيّيه والـمـوت لـلـفارگ اهـله         بـعـيني الـنـهار اعـلـيك يـاخـويه اظـلم


لـليسر مـن امـشيت هـم تدري بالحال         ظـيـم الـعـليه ظـيـم مـتحمله الـلجبال
مچتــوفـه لـلـشـمات يـاخـويـه بـحـبال         والـصـبـر مـــن أخــتـك خــويـه تـهـدم


گلـبـي بـعـد يـحسين مـاظل صـبر بـيه         لـلـصـخر لـــو ونــيـت خــويـه ابچيـــه
والـضـيـعتلها اعـزيـز هــم بـعـد تـلگيـه         ضــاع الـشـمل يـحـسين مـابـعد يـلـتم


والـيـوم اجـيـت الـيـوم مـلـهوفه يـمك         خويه ارد ابوسك جيت خويه ارد اشمك
ريـت الـلحد يـحسين ظـمني او لظمك         والـمـوت الــي بـعـدك يـاخـويه ارحـم