الليلة أفراح وسرور = قامت الدنيا تنور بنور مهدينا الليلة ميلاد الإمام المنتظر راعي الوفه = هذا بن خير النساء وجده طه المصطفه رادوا يطفون نوره نوره يزهي وما طفه = مدرسة مهد الزمان وبيها كل المعرفه موعظة بكل العصور يا هلا بمولد المهدي حيته أرض وسمه = للنبي نزف التهاني وللشريفة فاطمه هذا منقذنه إليسجل باجر أروع ملحمه = هذا إليقيم العدالة بزود عزمه وصارمه ما يظل بالدنيا جور هذا إلي يساوي البرية لا زغير ولا كبير = كلها تصبح أغنياء وما يظل بيهم فقير الذيب ويا الشاة يسرح عايشين بفد مصير = الناس كلها أحرار تصبح عندها وجدان وضمير لا ظلم يبقى وفجور شيعتك يا بن الزجية تجرعت مر الصبر = شابحة لجيتك بلهفة ولظهورك تنتظر سيدي وتدري بدمعها عالوجن ينزل جمر = جرد البتار وإنهض فكنه من أهل الغدر طفي حسرات الصدور ما يرد مكسور خاطر لو تعناك المحب = يا شفيع ذنوبه لازم يرد مسرور القلب ذنوبه لو مثل النجوم تروح ما يبقى ذنب = باجر الحورية توقف لازمة لجيته الدرب تنشر عليه العطور