إجينه انبايعك يا حجة الباري=يا روح البتول و قرت انظاري إلك ركب الفرح يبن الحسن ساري=عله امتون السعاده اترفرف ألوانه رايات العهد يالمهدي منشوره=و الجن و الإنس بالفرحه مغموره مثل موسه التجله النور من طوره=نورك من بزغ أشرقت دنيانه يا هيبة جمال المصطفه الطاهر=يا برهان رب المقدره الظاهر نجوم احنه ابسماك ابليلك إنساهر=يا بدر العداله اليزهي بسمانه سلطان العصر و اتريدنه انعوفك=مفاتيح السعاده ابقبضة اجفوفك يا مأوه الضيف هاي الوادم اضيوفك=ضيفك ترضه يملي الصبر فنجانه نجرع بالصبر يمطول الغيبه=والشمات سمها ينفث الريبه تقول الغاب قبل الألف شيجيبه=تدري انته الشماته سبب بلوانه ميتم امن الفرح و الدنيه تدريها=ما زال الكفر يحكم ظلم بيها گوم و خلي سافلها اعله عاليها=عاليها اعله سافلها يرجوانه بيك الأرض تصبح مزهره و خضره=و اعقول الشماته اتغير النظره تعرف شنهو قصده اليمشي للحضره=حضرت سيد الشبان بجنانه الفضائيات خل تتناقل اخبار=ليش ابمولدك تقصد له زوار يدري الزاير إنته التاخذ بثاره=ابو السجاد والينه و علي شانه لو ما الكفر نظرتهم عدائيه=جان ايشاركونه ابكل فضائية و ايثبون هالحفله الولائية=عاميها الجهل ما تفهم إعدانه جينه انبايعك و الما فهم يفهم=لو شاهد اعروش الكفر تتهدم شيفيد الندم ما ينفع المندم=إحنه الرابحين و هيه خسرانه