يضل هذا الضلع رمز لقضيتنه = ومن نزفه انفتح باب لمصيبتنه لون تسال عله الفطره = نشأت وبتدت بمحبة الزهره وشريعتنه صفت بمودة العتره = خطوط اعظم فكر تحمل عقيدتنه اهي صحوة محب وتيتم بحبه = يريد يوطن احزانه بوسط گلبه ما بطل وّنينه وما فتر نحبه = عله اقمار الهده ومنشأ ديانتنه عله الشافت ظلم من أول وثاني = أنوح وعالضلع متوجره نيراني وهي يوم الحشر حاشاهه تنساني = عليهه من الازل معقوده نيتنه عله الزهره الشهيده ادموعي اجريهه = عﮕب طه النبي الملعون يآذيهه اهي نار الغضه وبروحي تلﮕيهه = اذا ينشف دمعنه تزيد ونتنه گبرهه المختفي وما بانت علومه = شاهد والمصيبه تبيّن ارسومه يخبرك فاطمه مهظومه مظلومه = حتى من البچي منعو شفيعتنه شتفسر موقفك يا مأسس الارهاب = وبعينك امس شفت النبي بالباب يستأذن عليهه وانته حين الغاب = ظهر منك حقد يا باعث الفتنه منك ما طلع غير المكر والشر = ننسه عله النبي يوم الﮕلت يهجر لو ننسه الصحيفه الدونت بالسر = لو ذيچ السقيفه اشلون ظلمتنه قدت اهل الجهل واستحكمت بالراي = واجيت بنار حقدك عالوصي عناي اضن ابليس گلك بالله امشي وياي = عله الزهره الزچيه نشن جريمتنه اليغضب فاطمه يغضب اله الكون = حديث من النبي مترسخ المضمون لاچن ما رضخ للحق ابد فرعون = حرگ باب الرساله وصار محنتنه ماتت فاطمه صاح العرش والروح = وآيات الكتاب مرتلات اجروح وزينب بالدمع ضلت عليهه اتنوح = تﮕول ايتام امنه الزهره خلتنه رجع للدار لاچن ما لﮕه بالدار = نور الطاهره الچانت تشع انوار وچن الدار نادت يا علي الكرار = بعد هيهات ترجع ذيچه لمتنه اظن گلبه انصدع وتوسد النارين = من شاف الحسن ينحب واخوه حسين فضح سره الدمع من الحزن بالعين = واحنه من الدمع نكتب رزيتنه