عله الزهره الشريفه = ظلم اهل السقيفة يا مهد الرسالة ومهبط العفه = يل ذاتج لطف بارينه شنوصفه على مصابج نضج بلوعه واللهفه = ونصرخ بالالم يا فاطمه الزهره أجت اهل البغض والحقد عاميها = ونست طه النبي من خلفج بيها زمره وبالضلاله انعرف ماضيها = قائدها الوثن شيطان ابو مره مثل السامري يوم اعتنه لدارج = ما صان العهد ما راعه مقدارج وضلت شابحه لهارون انظارج = تشوفين الوصي متحير بامره يا ام الحسن وشلون ذاك اليوم = شعل بيده الحطب وبناره ضل يحوم اوكف لا تطب نادته كل الكوم = تكله الدار بيها فاطمه الحره دفع باب النبوه بايده وتعده = على احدود القداسه محزم بحقده من عنده الخيانه كلها من عنده = روح اسأل عليه الباب والسطره هاي اول خيانه وصفحه من العار = غصب حق الخلافه من الوصي الكرار ومن عهد السقيفه للطفوف النار = باحقاد وظلم واضغان مستعره ما هابت محمد زمرة الآثام = يوم عله الزجيه هجمت الظلام ولوما ابو الحسن خايف على الاسلام= جا خله الارض بدماها محمره نعم عنده الوصيه والعهد معهود = خايف لا يرد نهج الشرك ويعود سلم للأمر والحكم للمعبود = رب الكون هو بحالته ادره