كل منحر الشايله = چم لوعة وشچم جرح أشتعرض لهل عايله= جاوب يراس الرمح يراس أصد يراس = لبن أمي لو عباس جاوب يراس الرمح ***** ويلي أمن أصد ويا الدرب = ونار القلب تتلاهب أبحسراتي يتحدى صبري كل صعب = تطلع غصب ماتندف آهاتي أنظر وچم راس = يلوح لعيوني وأندب العباس = كافل أضعوني وعالخد تصب دمعاتي بين أخوتي أمدلله = مهيوبه عفت الوطن لأني سبيه أبفله = ويلاه يغدر الزمن وأسمع شتم أرجاس = لبن أمي لو عباس جاوب يراس الرمح رد يرمح وأذكرأمس = ضي الشمس وحسين أخويه أقبالي لو قلتك عودك مايحس = من ألتمس وأشرح هضم دلالي دم نحر عباس= من خضب راسه لابد النوماس = حرك أحساسه وأدري بنحر كفالي براس الأخو الحامله = بغيرة وجبل من وفى وظعن البدر كافله = حي وأبد ماغفى يلوق لمن النوماس = لبن أمي لو عباس جاوب يراس الرمح قر يرمح بالمظلمة = بها لمحكمة ندري الذنب مو ذنبك دم السفك أشرف دمى = أرض وسمى وبهالنحور أمخضبك أحفظ ألشالك = وأشهد أعلى الصار وسولف أهوالك = للنبي المختار وأنقل مصايب دربك أروي القصص كاملة= وأعرضها يوم الحشر سولف لعقد الولة = وجدامة شنهو العذر وشتعتذر هالناس =لبن أمي لو عباس جاوب يراس الرمح جاوب يروح النايبة = وشتجاوبة لينظر خضاب أبراسك من ينحر طبعه الابة = ومن خضبه وأعرف ذنب حراسك تدري نحر حسين = ينفس شمة وتدري بالكونين = منزلت أمة ومنهن أخذ مقياسك نحرة النبي القبلة = شتريد أعدد شرف راسه الذكر رتله =وشفافة تقرى الكهف دوم الشرف ينقاس = لبن أمي لو عباس جاوب يراس الرمح صد يرمح جمر الغضى= من تعرضى ابدرب اليسر جدامي وأنشدني عن ليل المضى= شلون أنقضى وأنشدني عن أيتامي لازلم ضلت = تحرس الصيوان وبالخيم لهبت = يالرمح نيران بس الحرم بخيامي أشرواني طف كربله= ماظل لادمع لاصبر ويا موقف أتحمله = وشوف الرزايا أشكثر أمن أنظر طفل ينداس لبن أمي لو عباس جاوب يراس الرمح شحچي وشسولف يارمح= عن ياجرح عن ياهضم بيش أبديه صعدت شموسك يارمح =ويا الصبح كلهن قطع من چبدي من تصد عيني= الرووس ولياني والله تاذيني = لوعة أحزاني وغير الدمع ماعندي بس دمعتي الهاملة= تلهب جمر عالوجن حسراتي متواصلة =بيها القلب منتحن وشيحمل الأحساس = لبن أمي لو عباس جاوب يراس الرمح