والله ما يبعد طريج زيارتك =زحف نزحف يبواليمه الحضرتك زحف نزحف سيدي ورغم الهوان=ياملاذ الدنيا كلها ويا امان انت بالدم وسمّت صدر الزمان=وآية الايثار صارت آيتك والله حگها گلوب لوتزحف زحوف=لئن للحگ صلّت اعليك السيوف روس ننطي وموش بس ننطي الچفوف=الروس كلها تروح فدوه الهيبتك تروح فدوه الروس كلها المصرعك=ودمع زينب يوم صب لموادعك عرش اميّة اتضعضع وما ضعضعك=ونملت ذان الفلك من صيحتك بصيحّتك يحسين عززت النفوس=وقدمت للدين مجموعة شموس وذيچ خيل اعداك بضلوعك تدوس=الدين شد حيله ووگف من طحتك هددوك اعداك وانت الما تهاب=وشمس مجدك ما يغطيها السحاب انت بس دربك عدل غيرك سراب=وكل ضمير الحي شرب مي غيرتك يا منارة العلت لعنان السمه=يا زلال الروّه بدمومه الضمه عود نگدر نوفي مهجة فاطمه؟؟=ومن گدر يحسين يوگف وگفتك ووگفتك يحسين هي وگفة شرف=لا اظن حتّي الشرف بيها اعترف شاع صيتك سيدي وبكل طرف=بيك تتباها الخلگ وبرايتك رايتك وتظل ترف فوگ الفلك=وبصدر تيارك اليوگف هلك زلزليت الكون ابد ما زلزلت=النوب حتّي الكون صار بخدمتك بخدمتك يحسين املاك العرش=ودرب حبك كون بالدم ينفرش والله ذانات الخلگ ماهن طرش=بس خباثه من العدا الماسمعتك يا حسين انت الإبا ورمز الإبا =وحبك من الله اكبر موهبه نهجك الحگ والله راده وسببه=بيه عزة گومك وعز شي احنه عاهد ناك هذا اكبر دليل=اليومك بعاشور ماصح كل مثيل قسم نقسملك وحگ ذاك الكفيل=نضحي بالغالي و نحامي گبتك