خلّي ذانک يمّي أنبيك ابخبر= واسمع ابهاي الحقيقه احچيهه حلّل افعال الصحابه وما صدر=وافهم ابهاي القضيّه اشبيه انبعث خير البريّه للخلگ= يهدي العالم جميعا للصلاح يکشف ابنور الهدايه کل ظلام= خيّم ويرشد لعد درب فلاح جاهم ابلغ کلام من الحکم= تحيه بيه الروح للصدر انشراح لکن الآذان ماخذها الطرش= والفکر طير انکسر منّه الجناح لوعمت عين البشر عن النظر= اشلون يعرف ليل مظلم من صباح لا عجب لوتکره الظلمه الگمر= حيث ضدهه ولوطلع يمحيهه المزبله لو ينزل عليه المطر =حتما تفوح الرويحه البيهه اُمّه ما تعرف سوي سلب ونهب= عيب عدهه تآکل بغير السلاح غابه بيهه اللي قوي يردي الضعيف= والسيوف السائده وسُمر الرماح الفواحش ظاهره ومتفشّيه= من خمر وازلام وانواع السفاح لاعفو لا رحمه لو دگّ العرج= يذبح ويسفك دمه ابکلّ ارتياح وانّهاهم يصبح ابها المجتمع= يحبس ابغربال هبّات الرياح هذه ظرف البيه رسول استقر= والجهاله اللي تورّط بيهه أمّه تنحت من خشب لومن حجر= ربهه ويريد النبي يهديهه چذّبوه وچالوا عليه التهم= من جنون ومن شعرمن احتيال إشتروا بالمال مهمه اتکلّفوا= الأذه وبالتالي ضمروا اغتيال لکن الرحمان نجّاه وخرج= بالظلام وکامنه ابابه الرجال والوصي بفراشه نايم فدوه له= هاي هيّه المکرمه بين الفعال لانت الاحجاربيده سبّحت= بس قريش ابظلمه ماخذه الضلال حيث هاي الگلوب اقسي من الصخر= يوم رادت تطفي ضي هاديهه هاجر الهادي و بده عنها السفر=للمدينه ابنوره يضوّيهه من وصل لارض المدينه تنورّت= بيهه بدر التم طلع يوم الوصل رايِة التوحيد بيها التعلّگت= والعقيده الله يرضي لا هبل بس قريش اشلون تنظر بالسمه= راية التوحيد رفّت للملل گامت وبحزام غيها اتحزّمت= حيث ما تعرف أبد غير الأسل لکن المختار عنده معجزه= غير قرآن اللّي من ربّه نزل عنده ابو الحسنين لو هد وانحدر=سيل جارف والعده ابواديهه لو مثل برکان بالحومه استعر=موت الاحمر للعده ايراويهه من بعد ما ضاگوا من ايده النکال=سلموا عنوه و دخل مکّه الرسول اسلموا عن خوف لااطّير الرگاب= والدني لو خاف يعمل ما تگول ظلّت الاحقاد مخفيه ابقريش= چاللهب باصدورها يجوش يجول بس دنت للمصطفي آثار الرحيل= گام يظهرمنهم الفعل اليهول من رحل خلّوه مطروح ومشوا= للسقيفه وهذه اليحيرالعقول عافوا المختار يا يوم الکدر= عالارض وهو الذي يرسيهه زمره يوم الزاغ من عدها البصر= والبصيره سخّطت باريهه تاجري وبيعي الذهب باسفل الحصي= يا عيون العميه بيعي وتاجري يا أرض ميدي وزلازل زلزلي= ياجبال من المصيبه اتفطّري تنهظم بنت الرسول الطاهره= يا دمه عنّ الدموع التفجّري اشلون هارون النبي خلوه وحيد= وارتضوا ذيل الرذاله الآخري ما کفاهم هذه حتي اتحاشموا= عله بيت الزهره بامر السامري ما تضيج الواسعه بيه اله فر= والفضايح کل وکت حاويهه اليوم باب الزهره يحرگهه عمر= حيث امّن من غضب داحيهه گالوا اشلون الوصي وهوه الشجاع= يضربون الزهره ويسطرونهه اشلون وهوه النّکس اعلام الشرک= زوجة و بنت النبي ايهضمونهه اشلون هيه تفتح الباب وعلي= يدري بيها حتما يعصرونهه يا أسف لن ما دروا شخص الإمام= موش رايد هُمّه اليردونهه همّه همهم يکسبون السلطنه =والکراسي چا نوا يعبدونهه والإمام الدين هَمّه والبشر= الشريعه والخلگ يحييهه بالإمر کل شي الصدرمنّه وظهر= والعگل هالمسأله يوعيهه