الكعبة نادت بالأنين=ودعتك الله يا حسين بلهفة محب چنت انتظر=تقبّل يمولاي الحجر مدري اش بدا مني وصدر=تتركني يبن الطيبين عني تسافر تبتعد=وما كملت حجك بعد وسفة تروح وما ترد=لجلك صبح قلبي حزين المروة تبكي ويا الصفا=من غاب نورك واختفى يحسين يبن المصطفى=تتركنا بعدك حايرين زمزم ينادي ويا المقام=مكة نزل بيها الظلام أنت شمسها يا إمام=يحسين يا نور اليقين اگعد يبن عقد الولا=چا ليش گاصد كربلا وبحجك تحج الملا=ارجع يبن طه الأمين صوت التلاوة اتردده=يمي چنت لن الندا إبدلها عمرة مفردة=لا يجري دم من الوتين أطلع يبن خير الأنام=لا يهتكوا البيت الحرام ابكربلا تذوگ الحِمام=رايد إله العالمين يحسين شاهد حالتي=بعدك أگاسي محنتي إسمعها مني طلبتي=يا ابو الأيمة الطاهرين يابن البتولة وبن علي=اترك حريمك يالولي بعدك أخافن تنولي=بولية أعادي حاقدين