بنهض وساعدني على النهضه يمنهال=تعبان والله وثقّلوا جسمي هالنذال امن الجامعه والقيد والله جلد مالي=انجرحت ازنودي ومشيتي اسحب اغلالي وماحد نظرني امن العدى ويرحم احوالي=انا وعماتي يجرونه بلحبال ولن الوديعه وقفت اتنادي شجيه=ابباب الخرابه مهجتي باقي البقيه وينك ييمه ماترد اجواب ليه=وقلها بجي يا عمتي وسكتي هالعيال والتفت له المنهال وقله هالتناديك=ياسيدي منهي واظنها خايفه اعليك وقفت على باب الخرابه وتلتفت ليك=واسمع وراها حنه من نسوان واطفال قله ذي زينب عمتي وهذا أسرها=وشرّق وغرّب من قبل عزها وخدرها وامن الاجانب أبد ما واحد نظرها=وعقب الهوادج ركبوها حسرا هزال بسما سمع فاضت من اعيونه ادموعه=هذي الوديعه صاح أي والله الوديعه واللي تكفلها بقى يم الشريعه=مفضوخ راسه وانبرت يمناه ولشمال واما ابويه حسين راسه ابمجلس ايزيد=ابطشت الذهب ويقبضه الخمّار بالأيد وابثغر ابويه بالقضيب اسوي ما ايريد=واقبال زينب عمتي صارت هالحوال منهال عاين ثوبي امن الدم مخضوب=كل حين ينزف لي الدما وكل ساع من صوب انچان تتكرم وترحم ذلتي ابثوب=اتبرّد اجروح الجامعه وجرت هالغلال