شان الفاقده للشاب ميفارق خياله العين=وكل زفره تطلعها كبدها اتصوبه ابجرحين وايظل القلب من تنظر واحد يشبهه مجروح=معذوره ولا تنلام ومن تذكر رباها اتنوح وتبقى الليل سهرانه لى قالوا الولد مذبوح=وحتى ابنومها اتشوفه وتصرخ ياضيا العينين وعندك خبر عن وحده فقدت اربعة أولاد=تذكرهم حواليها ايدوروا چنهم الآساد وفرقاهم ترك قرحه وابد متطيب من لفاد=واظنك تعرف امن اقصد هذي الطاهره أم البنين وكليوم البقيع اتروح تبكي وفى الحشى نيران=اقبور اربعه اتمثلها وتنعى على الشبان وخامس خلته واتصيح ويلي اعلى القضى عطشان=قرباني يسير انچان مني تقبله يحسين ممنونه اقدمهم يروح امك لاتنساني=تراني اتعبت برباهم وأبد ما تطبق أجفاني ولو ابكي على أولادي وتهيج اغموم واحزاني=اذكر وحدتك والله عقبهم ياضيا الكونين وتلحظ قبر ابوفاضل اوونتها تفت لقلوب=اتقله بيضت وجهي عند الزهرى يامهيوب وقطعوا اچفوفك الاعدى وراسك بالعمد مصيوب=يبني اهجس ابعيني سهم هاللي وقع بالعين واسمع ياثمر قلبي يقولوا العلقمي طبيت=ترست الجود وافادك ينور العين مارويت ووحيد حسين ياروحي صدق بين العدى خليت=وساعه وصوب قبر حسين صوته ينادي يم لبنين مقبولة عمل وارباك أبد ماضاع فى أولادك=وابفعل عباس مشكوره على اوصيتك وجهادك وترد اجميلك الزهرى ولازم يبرد افادك=واول مظلمه تشكي الى الله قطعة الكفين ماقصرتي يم عباس هاللي طابت افعاله=وكرامه اليقصدك يطلب حوايج ايحصل آماله خدمتي الطاهره الزهرى وشكرك المصطفى وآله=وكل مؤمن يجي القبرك يبكي اعليك ام لبنين