انته عليل اشلون تقدر ترفع حسين=وحدك تشيله يا امامي والله لمعين حاولنا نرفع هالجنازه وما قدرنا=ومن شفنا هالأجساد بالحيره وقفنه من هو نخلي اجنازته ومنهو ندفنه=آجرك الله شالفكر يبن الميامين قلهم دقوموا واحفروا هذا مكانه=شوفوا محل الطاح عن صهوة احصانه قام ومشى خطوات وانهدت اركانه=امرامه يرفعه وصبت ادموعه من العين اشلون ايشيله ومثلّوا فى جسمه تمثيل=اشلون ايشيله وكسروا صدره من الخيل ومثل الأبو اتوزع يشيعه قلب لعليل=ومن شال جسمه اتباعدت اوصاله صوبين مقدر اشيّع والدي وجسمه ابهالحال=جيبوا لي قطعة باريه بجمع هالوصال قاموا وجابوها وجعلها ليه شيال=وظل يجمع اوصاله ويهل امدامع العين واقبل على العركه يدور ابقلب موجوع=سئلوه شتدور ابهالحومه يمفجوع قلهم أدور مهجته وخنصره المقطوع=عاينت خنصر منقطع من كف ليمين حصله وشمه وغسله ابماطر ادموعه=ورد ركبه السجاد بالكف القطيعه وابلوعه افاده بقى ايجمع اضلوعه=وهالحال من شافوه صاحوا الاسديين جسم الولي يخليفته كله جمعته=وما شفنا راسه يا علي السجاد جبته قلهم ميقدر بوعلي اعلى افراق اخته=لازم يروح الراس فى ضعن النساوين واحنى الظهر عند الابو وعزم يشيله=وشاله على صدره وبكى وزاد ابعويله قالوا نعينك يا علي بالله ورسوله=صاح اتركوني مانه وحدي وعندي امعين جدي رسول الله ايجي ايشيع حبيبه=وهذا ابويه المرتضى عالي نحيبه وشقت الزهره جيبها من هالمصيبه=وعمي الحسن يبكي ويحن ويلي على حسين وصلوا قبره ونزله باقي البقيه=وينه يقبله آه من عظم الرزيه قبله ابنحره وطوح الونه خفيه=نادوه عجل وادفنه يبن الميامين صاح اصبروا حتى تجي امه الشفيعه=والها القبر تحضر لي اجنازة رضيعه اموصي ابويه ادفنه عنده يشيعه=قام ورفع طفله وضمه ابجانب حسين