صدوا يهل كوفان عني واتركوني=فوق المطيه ابلا ستر لا تنظروني
واقبلت كوفيه تنادي يا حزينه=منتي التقولي الصدقه تحرم علينه
امن انتي يحره وخبريني الوطن وينه=اتقلها تسأليني مچنك تعرفيني
انا العزيزه اللي ربيت ابحجر ابو حسين=وعدكم يهل كوفه بقيت اشهور وسنين
ومن حول خدري امحلقه اخوان ظفرين=يبرد افادي ابشوفهم واتقر عيني
واذكر يكوفيه اببلدكم بهجة العيد=ارجالكم تصبح لبويه اتقبل الايد
يتوسلوا ابحيدر ترى نسوانه اتريد=يترخصوا من والدي بعيّدوني
وصاحب الغيره ايقول شوف اوديعتي امحال=خوفي النسا يحچون عن زينب للرجال
ايردوا ابأسافه والدمع بالخد همّال=واليوم فوق امهزله ايسمعوا ونيني
اليوم قلبي من الشماته صار تعبان=يسرى ويمنى التفت انظر العدوان
واعظم عليه راس اخويه ابراس لسنان=انظره واطفالي جواعه ويطلبوني
ايحق لك يكوفيه تنكري اليوم حالي=من بعد خدري صرت حرمه ابغير والي
وينه افر عن ضيعتي وضيعة اعيالي=اخوان ترسة عين كلهم فارقوني
ومحد يرسل الى محمد في المدينه=ايقله تقلك اختك الحورى ادركونه
والله خجاله يا عضيدي شهرونه=واسمع يقولوا على الفاجر يدخلوني
13 رجب 1419ه
عــــدد الأبـيـات
15
عدد المشاهدات
2273
تاريخ الإضافة
25/03/2010
وقـــت الإضــافــة
6:03 مساءً