اترك منازلنا ولا اتحولها يغراب=يكفي تعب قلبي من لمفارق الاحباب كم رسلت مكتوب واترقب يجيني=اطمن على حالة ابويه ونور عيني وداع المنيه إن صدق ظني ودعوني=ولا خلو عبدالله يرد وحشة الغيّاب انچان اروح وياه وقلبي ابن البتوله=اعلى السفر ما تقدري وانتي عليله لو سافرت أشوى من الفرقه الطويله=وين اطيب وناظر اعيوني مشى وغاب ولغراب هاللي اسمعه ويكثر نعيبه=خوفي على الوالي يخبرني ابمصيبه قلها ابلسان الحال سمعي يا نجيبه=انا الذي عندي من الوالي لك اجواب صاحت اشعندك شاب راسي وقلبي متعوب=امن الطف يقلها جيت وشفت حسين مسلوب وخلاه شمر ابن الخنا اعلى الوجه مكبوب=جسمه طريح وعاينت راسه بلحراب واصرخت بطيور السما ورحنا سويه=وقمنا نظلل فوق جسم ابن الزكيه مافرقتنا إلا ركيض الاعوجيه=داسته والله وكسرت صدره بلتراب ردينا عنده والصدر والظهر محطوم=واتمرغت عد منحره يبنت المظلوم وجيت وجبت لك يا حزينه من هالدموم=شافت ادمومه اتقاطرت وافادها ذاب