يـالجواد الـدنيه وحـشه وغـاب نورك يالولي         مـاتجي اتشوفك جنازه وترفعك شيعة علي

ابدار غربه ويل قلبي شبحت اعيونه الشباب         فـوق چبـده واضـع ايده والقلب بالسم ذاب
سـمته ذيـك المشومه وسدت ابوجهه الباب         ضـاقت الـدنيه ويقاسي غربته اببلدة اجناب

بالعطش ظل يجذب الونات وادموعه تسيح         چان ايـبرد نـار چبـده بـلكت اشوي يستريح
ودار عـينه لـلمدينه وظـل على اولينه يصيح         يـبني مـاتحضر لـبوك اتشوف لفاده الجريح

ومن ارض طيبه وصل له اوليده وعاين ابوه         شـافه فـوق الـسطح يـتقلب وكبده قطعوه
صــاح يـابـويه اتـوعـى جــاك هـاللي يـتموه         قـوم نـرجع لـلي شـخصك بـالمدينه يرقبوه

حـانت امـنيتي يـقله وشـوف ضـعفت ونتي         وانـزفـت دم ابـجوفي وشـوف حـالة جـثتي
وكـتبه يـم جـدي الـكاظم يـا حـبيبي حفرتي         وقـبـته تـنـشر ضـيـاها ويـمـها تـصبح قـبتي

ومن ترد أرض المدينه روح عد قبر الرسول         وسـلم اعـليه بـالنيابه واعـتني لـمي الـبتول
صـيح ولـدك يـا حـزينه مـات وافاده معلول         ظـل ثـلت ايـام مرمي والجسد منه منحول

صـاح انـا ماجيت وحدي يا ضيا عيني الجواد         امـي الـزهرى اوصـلت ويـاي وابـذوب لـفاد
فـتـح اعـيـونك وعـايـنهم تـرى جـت لـمجاد         وهذي الزهرى تدني من تحت راسك اوساد