نِحِبْ دَاحي الْبَابْ ابْعَدِّ النجوم = نعلن حُبْنَه مَاحَبَّيَنَه خِلْسَّه موبيدينه نِعْشَگْ ابو الحسنين = گَلُبْنَا الليِّ يعشْگه وهَمْ يقَدْسَّه لَنْ حَيَدرْ علي تِتْحَاضِنَه الرُّوحْ = وعشْگَه للگَلُبْ يِمْلي ويتِرْسَّه واتْبَخْتَرْ بحب حيدر على الناس = واشوفه للشَّرف تَاجْ وألِبْسَّه وخَلِّ امْنِ الْقَهَرْ تِنْفِجِرْ عُزَّالْ = يِصْعَبْ عَلْ الظَّلام ايغطي شَمْسَّهْ نِحِبْ بيه الْصِّفَات الضوَّت الكونْ = وحبَّه رقُم ماله نهايه أُسَّه نِمْشي بدربه مَاجَافينا مَسْرَاه = لَنْ يخسر يضِيع الْيمشي عَكْسَّهْ أكيد انت سمعت وقريت الأخبار = من يكره علي مُرْضِعْتَه نَگْسَّهْ تِدْرون الْثُمَرْ مَايِنْفَع النَّاسْ = لو چَان الشِجَرْ مَغْشُّوشْ غَرْسَّه مِنْ يُبْغَض عَلي مَانِحْچي ويَّاه = ندري فَاْسِد ومَعْطُوبْ رِسَّه مَايِرْقه الْحَظِيِظْ لقِمَّة الْطُودْ = صَعُبْ عَلْ الوَادي رَاسْ الْجِبَلْ لَمْسَّهْ ومَايِعْلَه الْسِّمَه فَاْقِد الْجِنْحَانْ = ومَيشُوف الْشَمِسْ مَيِّت برِمْسَّهْ لَمَّنْ قَدَّمَه طه على الگوم = كِلْ حلو الْصِّفَات ابْحَرَه تِرْسَّهْ مِنْ شَعَشَعْ بمَكَّه الكعبة مَرْسَّاهْ = وجِبْريل الْيِحِفَّه وهَمْ يِحِرْسَّهْ ومِنْ هَاجَرْ لطيَبَه سَيِّد الْكُونْ = ضَحَّى المُرْتَضَه مَتْهِمَّه نَفْسَّهْ ولَمَّنْ قَعْقَعَتْ واتْبَارَت ارْمَاحْ = رگِصْ سَيف الفُقَار ورفَعْ حِسَّهْ ومِنْ عَمَر ابِنْ وِدْ اتْعَدَّه الحْدُّودْ = لِگَيَنا ابْطَالْهُمْ مَكْتُومَه خَرْسَّهْ بَسْ حَيَدر رُفَعْ سَيَفَّه الْبَتَّارْ = وچَانْ اعْلَه الْعَدو من الْسَّيَف أقْسَّهْ وبْلَمْحَه الْشِرِكْ بدْمُومَه غَرْگَانْ = وحَيدر چَنْ عَرِيس ابْلَيَلْ عِرْسَّهْ هذا المُرْتَضَه مَعْشوگ الگْلوبْ = مَنْ أهل الكِسَاء أنوار خَمْسَّهْ الله نَصّبه بعد النبي اوزير = لَنْ بَسْ حَيَدر اسْتَوعَبْ لدرسه وبْيُوم الْغَدير اعْلَنْ الْمُخْتَارْ = عَليْ أصْبَحْ خَليفه اليومْ وامْسَّهْ صَيَحات الرَسَّول بخُمْ غِدَتْ صوتْ = تِرَدِدهَا السِّمَه والأرض لِسَّهْ بَسْ يَاحَيَف مَانُصْفَتْ الظُّلام = ولِگَتْ امَّتْنَا نَكْسَه بأثَرْ نَكْسَّهْ بَسْ ظَلْ حَيدر الشمس الْتِشِعْ نورْ = لو مهما الحِقِد للحقد دسَّه ظَلْ حَيدر تِلفَّه وتحضنه گلوبْ = وغَيَره گلوبْنَا ترُفْظَه وتكُنْسَّه يَاسَعْد الْيِوِد الْمُرْتَضَه اليومْ = والْيِجْفَاه كُلّ نجُومَه نَحْسَّهْ ولو طَه الْنَبِّي قَدْمُو له الِدْوَاةْ = چَا للدِّينْ شَمْسَّه اتظل مِشِمْسَّه ولاإفْلَتْ الهَيَبه للمُسِلْمِينْ = ولاظل القُدُسْ مَرْهونْ حَبْسَّهْ اسْمَعْ يَامُوَالي الْعِتْرَه هَالْيومْ = ارِيدْ اهْمِسْ بِذَاْنَكْ فَرِدْ هَمْسَّه لو كِلْ النِوَاصِبْ جَرْدَت اسيوفْ = حُب حَيَدَرْ عَليْ بالْرُّوح كَرْسَّهْ واتْبَارَكْ بحُبْ الْمُرْتَضَه دُومْ = لو مَهْمَاْ الْعِدى رَاْدَت اتْسَّيسَه ترى الْحُسَّادْ مَاْرِمْشَتْ جِفِنْ عَيَنْ = والْ ذِكْرَه الْجَمِيل ترِيد طَمْسَّهْ