يابو الحسن جَيت لمولدك عنَّاي= وبمعول محبتك ذنبي هدَّيته جَيَت لساحتك والامل بيَّه يحوط= وادري الضيف مَايوم انته صدَّيته جيتك يابو زينب يانصير الجار= چَمْ محتاج يمَّك دَينَه وفيته چَمْ واحد ينام وليلته بردان= وانته بكل محنَّه وعطف دفيته مِن مثلك يداحي الباب حُضن الجود= بستان المعالي والكرم بيته ماشفنه اليگُصَّدك عنَّه تصد عين= ولابَاب الكرم فدْ يوم سَدَّيته وآنا اليوم صوبك يمْمَّت الضعون= چَفْ گلبي لضريحك فرح مَديته ميلادك سعد وگليبي بي مسرور= شيعت الدليل وإلك وديته ياشمس العِشگ البيها يضوي الكون= چَمْ سهم لغرامك صدري ارميته كُلْ شيعي بعبيرك منتشي وفرحان= وحُبَّك والگلب بالروح شدَّيته إنته الماي من غيرك تموت الگاع= وبدونك رُفضت العمر وانعيته يَاقُصَّه الكتبها المصطفه المختار= يكتاب اللي خطه الباري وقريته قرآن انته بالواح السِّمَه مكتوب= من شفته ولمحته لصدري ضمَّيته ولوگلبي جفاك وما يصدلك عين= مَاريد الگلُب من صدري تليته ولو غض العِشِگْ واتناسه للمحبوب= بيديني العِشگ ارميته وعميته يانبض الوريد ودگة الدَّلال= أحْلِف هالعقل حَيَّرته جَنَّيته يامن بيك غَالَت عِبدتك افواج= مَعْذور اللي سهمك گلبه شكيته مايدرك اسرارك غير رب الكون= والغذَّاك علمه وانته حميته ريت الوگف صدَّك يفتهم معناك= ريته يفتهم ياسيدي ريته چَمْ مَانِع وگف ويظن يصد مجراك= طوفانك جُرَفْ كلمن المرَّيته ناصرت الرسول وچَمْ دِسِت عَالموت= ياما للنبي بغزواته سَرَّيته ومن چان النبي بالمعركه ينخاك= صِنديد بأثر صنديد ارديته ومو لنَّه قريبَك أيدت مَسْراه= حبَّك لله وانته لله حَبَّيته ياهيبة الباري وسيفه المسلول= يَالبروح دين المصطفه ارعيته حَيف اليوم سَاووك بابن سفيان= ونعالك يشرف كل نِسِلْ بيته ماتنقاس لا والله بربيب اقذار= وانته العمر وي طه النبي اگضيته وندري ياعلي من يُبْغضك هاليوم= يلوم حسين لن طالب بحريته هذا حسين عِدْهُمْ ثائر اعله يزيد= ويزيد الخليفه وهم صفت نيته بس شنگول لليتعامه عنك دوم= وانته بنور گبتك سيدي عميته شگد سلوا سيوف بوجه آل البيت= چم حادث رصدته وظلم عَدَّيته ياضيغم محمد يالتهيب اسود = مِنْ جَمر الحزن هذا الحچي حچيته خط گلبي بمحبتك سيِّدي الأشعار= وكل بيت الأكتبه الك زفيته وادري بالشعر يركع لمجدك دوم= بس بيك الشعر طهرته زكيته شنهو الشعر يمَّك ياعلي الكرار= مايوصل طرف ظفرك العدَّيته بيك الشعر يتسامه يبو الحسنين= وثواب الشعر لاميمتي هديته لن امي اعله حبك شيِّدت مبناي= وآنا اعله اليبغضك شعري سَلّيته هذي رويحتي ترفرف ابعشگك دوم= ولن يهواك گلبي اعشگته حَبَّيته