قلبي يا أبو اليمة تفطر = ودمعي دم على خدي تحدر روحي لك فدا يحسين واهلي = وحبك يا شهيد أصلي وفصلي يعيوني أنا مانساك واسلي = عنك والقلب باسمك مسطر يومك ما نحي عنه مجالي = وراسك عالرمح دوم بخيالي هاك اخذ الدمع ما چان غالي = مو مكتوب لك من عالم الذر يا روح الهدى ويعيون طه = يا نسمة علي الفايح شذاها يا نور البتولة ولب حشاها = يعضيد الزكي الحسن لازهر يا ريحانة الهادي وحبيبه = ويا وحيه وقرآنه ونجيبه للدين انت ملجاه وطبيبه = وانته التحفظه من اعداه والشر دين الله بنيته انت بصروحك = بروح أهلك وانصارك وروحك جذور الدين ريها من جروحك = ومن دمك ورد لاسلام الاحمر يا نور الهدى وزين السجايا = كيف تعشّقت رب البرايا واحبابك تقدمهم ضحايا = ونفيس الجود من كفيك أبهر أهلك صحبتك وانت قرابين = تسكبها فدا للدين يحسين حتى أطفالك العطشى الطيبين = شافوها الشدد يحسين واخطر ولن صوت العقيلة ينادي يحسين = أشوفك ناوي يبن امي إلى وين قلها يا مصونة املاقي البين = قالت له أجل يبن امي اصبر عندي لك وصية من البتولة = أنفذ منها ما كانت تقوله أخوك حسين من يعزم رحيله = اشوفن حان هذا الوقت الاقشر بجبينه يا مصونة تقبلينه = وبصدره يزينب تشمينه وبنحره وبعد ما تنظرينه = ناداها الحجر والدم يفور مكان السيف يا خية مع الخيل = عقب دمي على خديني يسيل يعينك خالقك لى هود الليل = ونيران العدى بالخيم تفتر يزينب للخيم لا ترتجيني = ولا واحد أبد منكم يجيني بعد ساعة يزينب يذبحوني = وصدري بالخيول اليوم يكسر يختي رادته الخالق العلام = لازم يرتفع بيرق الإسلام دورچ بالسكك والكوفة والشام = دوري ماهو منك يختي أكثر عينك عالعليل وباقي الأيتام = يختي ام الرزايا تجيك قدام تطبين المجالس بين ظلام = ويسبون النبي والوصي حيدر