أكصد للبقيع أو أجري دمع العين = شوف أكبور رواد الهدى والدين من تحت التراب أتشوف جن آهات = تظهر ما تلمهه الكاع يبن أحسين أظهر سيدي وياك أحنه أنروح = ونزيل الظلم هذا الجثه أمن أسنين مجموعين تلكاهم هلك مولاي = ينتظرون نورك من يزيل البين كوم الشر حقد بيهم على الاطهار = من يوم النزل بيهم أبو الحسنيين يطشرهم خوارج عالتقى أو أنذال = وأستورث حقدهم كل قزم هالحين يتصور يطفي النور بالتهديم = ما يدري الألى بكلوبنه أمنورين ما يدري أبكلب كل شيعي ألهم دار = ما يدري محبتهم علينه دين نهواه الحسن ونجل كريم البيت = لزيارة علي السجاد متلهفين ونحب باقر العتره أمام أو نور = والصادق أمام أو عالم الصوبين أئمتنه هذوله أو ما نبدل دوم = ما بيهم رجس أطهار معصومين وأحنه أعلى العهد ياطيب الاصلاب = يلمهدي ألك مولاي منتظرين بس تظهر تلاكينه ألك أنصار = لخذ الثار من أعداك متحزمين نبني الأضرحه ونطش ورد ملكاك = لزيارة بقيع الخير متهيئين نلاكي الزود من حمزه يفيض أنهار = أسد مسحو ترابه أو أعتدو باغين نلاكي أم البنين أيفيض منهه الشوك = تنخانه أو تكول أبنوني ياطيبين وأبراهيم أبن المصطفى المختار = نلاكيه أبألم يلعنهم الغاوين نلاكي أم النبي الهادي كبر ممسوح = بس أتفوح منه أعطور للهاوين وأحنه أوياك يامولاي بالآلام = تاخذنه التراب أمك نشوفه زين وتعين كبرهه الزهره يامغوار = نبنيه أبقرح وبشوك متعنين