عــــدد الأبـيـات
14
عدد المشاهدات
2913
تاريخ الإضافة
16/03/2010
وقـــت الإضــافــة
12:43 مساءً
وشـــــــــلـــــــــون انــــســــبـــيـــنـــه مِــــــــــــن عَــــــنَّــــــك مـــشـــيـــنــه
بـيـن الـدَمِـع والـنـايحه ولَـجْـم الـمُـصايب
سـارَت يـوَسفه مْـيَسِرَه ضـعون الطوالب
نِـنْـحَب فَــرِد ونَّـه ودمـع لِـصواب سـاِﭼِب
ضَـعـن الـعُـلا شـلون اْنْـوِلَى بـوليَة أجَـانِبْ
نِـمْـشي بْـهَـضُم بـعـد الـضياغِم والـغوالب
وتِـمْشي عْـلَه مَـمْشانه الـدُواهي والنوايبْ
شْـــــــــلـــــــــون مْــــيَــــســـريـــنـــه مِــــــــــــن عَــــــنَّــــــك مـــشـــيـــنــه
مَــشُـونَـه ﮔُوَّه مـوبـيـدينه والله يَـحـسـين
وظَـلَّت عـليك اْمْـشوبِحَه ومِـتْحَيِره الـعين
بْـظُـهـرِيَّة الـعـاشر دِهَـتْـنَا الـخـيل كِـتـرين
وإنـتـه عـلـى حَــرِّ الـثـرى مـنـثور صـوبين
فَـريـنه مِــن حِــرْﮔَوا يـبو الـيمه الـصياوين
ذبـحـوا زِلِـمْـنَه واْحْـنَـه بالله نـلـتجي ويــن
خـــــــــيــــــــول امــــحــــوطـــيـــنـــه مِــــــــــــن عَــــــنَّــــــك مـــشـــيـــنــه
إخــتَـك يَـخـوهـا حـايـره بْـهَـمِّي ويـتـاماي
دهــري كِـسَـرني بْـفَـرْﮔِتَك وغـياب ولـياي
يَـلْـتِـعْـلَم بْــكـل حـــال سـابـيـني بــلـواي
أَمشي وبُﮕه يبن امي راسك يمشي وَيَاي
فـوﮒ الـرُمُح عيمك تِصِد لصوابي وبْﭽاي
بـعد الـمَهابه هَـسَّه شـفت شلون ممشاي
يــــــبــــــن امــــــــــــي انْـــوِلـــيـــنــه مِــــــــــــن عَــــــنَّــــــك مـــشـــيـــنــه
نِــسْـوَه ويـتـامـى عـالـهِزِل مِــن رَكـبـونه
لاوالـــي عِــدْنَـه بــس عـلـيل ويـضـربونه
وطــول الــدرب بـالﮕيد وِيْـشَتْمون ابـونه
مـن نبﭽي ضربونه وْلَوَن نحﭽي اشْتمونه
تــالـيـهـا لــلـكـوفـه يَــخــويـه دَخــلــونـه
وِبْـمَـجـلِس ابــن زيــاد حَـسـرى وﮔفـونـه
ونِـــــتْـــــسَـــــتــــر بـــــيـــــديـــــنــــه مِــــــــــــن عَــــــنَّــــــك مـــشـــيـــنــه
بْـمَـجلِس إبـن مـرجانه تـدري شـصار بِـيَّه
بِــت حـيـدر ويِـشْـمَت عَـلَـيَّه اْبـن الـدعيه
بــت فـاطـمه وسـمـوني خـويـه خـارجـيه
زيــنـب يـوَسـفَـه الــنـاس تِـتْـصدَق عـلـيه
كِـلـمـن لــهـا ولــيـان حـضـروهـا بـحَـمـيه
وآنــا بُﮕيــت ابـلا حـمى حـسرى وسـبيه
ظــــــــــــل ﮔلــــــبــــــي بـــونـــيـــنــه مِــــــــــــن عَــــــنَّــــــك مـــشـــيـــنــه
يـبـن امــي والـهـم والـهـضم بِـخْـتَك يـزيد
ودرب الـيُـسُر لـلـشام مـرمـرني يَـصـنديد
لَــمَــن دخـلـنـاهـا ابْـيـسُـر أعـلـنـوا عــيـد
فُــرجــه بُﮕيــنـه بــيـن روس الأمـاجـيـد
واعـظم مـصيبه مـن مـشوبي مْﭽَتِـفَة إيد
تـالـيـهـا أوﮔَف حــايـره بْـمَـجـلس ايْــزيـد
هـــــــــــــذا لـــــــصــــــار بــــيــــنــــه مِــــــــــــن عَــــــنَّــــــك مـــشـــيـــنــه
أبوكرارالأحسائي