آلآم=ويانه مشت للكوفه والشام وشلون انسبينه=مِن عَنَّك مشينه بين الدَمِع والنايحه ولَجْم المُصايب سارَت يوَسفه مْيَسِرَه ضعون الطوالب نِنْحَب فَرِد ونَّه ودمع لِصواب ساِﭼِب ضَعن العُلا شلون اْنْوِلَى بوليَة أجَانِبْ نِمْشي بْهَضُم بعد الضياغِم والغوالب وتِمْشي عْلَه مَمْشانه الدُواهي والنوايبْ أغراب=ضَعن المصطفى تحدينه أجناب شْلون مْيَسرينه=مِن عَنَّك مشينه مَشُونَه ﮔُوَّه موبيدينه والله يَحسين وظَلَّت عليك اْمْشوبِحَه ومِتْحَيِره العين بْظُهرِيَّة العاشر دِهَتْنَا الخيل كِترين وإنته على حَرِّ الثرى منثور صوبين فَرينه مِن حِرْﮔَوا يبو اليمه الصياوين ذبحوا زِلِمْنَه واْحْنَه بالله نلتجي وين بالنار=مِتفَرْهِد شملنه وصرنه طشار خيول امحوطينه=مِن عَنَّك مشينه إختَك يَخوها حايره بْهَمِّي ويتاماي دهري كِسَرني بْفَرْﮔِتَك وغياب ولياي يَلْتِعْلَم بْكل حال سابيني بلواي أَمشي وبُﮕه يبن امي راسك يمشي وَيَاي فوﮒ الرُمُح عيمك تِصِد لصوابي وبْﭽاي بعد المَهابه هَسَّه شفت شلون ممشاي باطفال=مِحتاره وحرم مِن بَعْد لرجال يبن امي انْوِلينه=مِن عَنَّك مشينه نِسْوَه ويتامى عالهِزِل مِن رَكبونه لاوالي عِدْنَه بس عليل ويضربونه وطول الدرب بالﮕيد وِيْشَتْمون ابونه من نبﭽي ضربونه وْلَوَن نحﭽي اشْتمونه تاليها للكوفه يَخويه دَخلونه وِبْمَجلِس ابن زياد حَسرى وﮔفونه شِمَّات=سمونه خوارج مالهم ذات ونِتْسَتر بيدينه=مِن عَنَّك مشينه بْمَجلِس إبن مرجانه تدري شصار بِيَّه بِت حيدر ويِشْمَت عَلَيَّه اْبن الدعيه بت فاطمه وسموني خويه خارجيه زينب يوَسفَه الناس تِتْصدَق عليه كِلمن لها وليان حضروها بحَميه وآنا بُﮕيت ابلا حمى حسرى وسبيه ظليت=وبوسط الخرابه خويه ونيت ظل ﮔلبي بونينه=مِن عَنَّك مشينه يبن امي والهم والهضم بِخْتَك يزيد ودرب اليُسُر للشام مرمرني يَصنديد لَمَن دخلناها ابْيسُر أعلنوا عيد فُرجه بُﮕينه بين روس الأماجيد واعظم مصيبه من مشوبي مْﭽَتِفَة إيد تاليها أوﮔَف حايره بْمَجلس ايْزيد يَحسين=حيرني بُمصابي وجرحك البين هذا لصار بينه=مِن عَنَّك مشينه