يــنـهـار الـكـرامـه لـمـاطـفت شـمـسـه         ويــايــوم الــتـواصـل بــــاﭼر وأمــســه
يـامـصـبـاح فــلَّــش مـشـتـهات الـلـيـل         ويــاﮔمــره تــخــاوي الـلـيـل بـالـونـسه
يـــاسﭽه ويــرافﮕهـا قـطـار الـشـوﮒ         وﭼلـمـاتـه بـمـحـطات الـعـمـر خــرسـه
يـالْـمبحر وســط شـرياني غـاض الـموج         ولْــمــلﮕاك حــنَّــت شــفــة الـمـرسـه
يــاخَـيَّـال يــطـرد والـصـحـاري ﮔلـــوب         حــبـه صـــال بـيـنـه والـعـشﮓ فـرسـه
يــاكـرار حــايـر بــيـك حــتـى الــشـوﮒ         وﮔبــل الـشـوﮒ حـارت يـاعلي الـهمسه
شـيحﭽي الـلي سـكنت بـكل خـلايا دماه         وْصَـحَـن ﮔلـبـه ابْـمﭽيـال الـهوى اتـرسه
يــلــطــرواك قــــــرآن الله والآيـــــات         يــتـوجَّـب طــهـارة كـــل ثــغـر مــسَّـه
يــالإسـمـك خُــلاصــة آيــــة الـتـطـهـير         وشــفـاف الــوجـود الـلاهـفـه اتـلـمـسه
عـلـي يــا آيــة الله لـلـي تـلاهـا الـكـون         رتــلــهـا الــوجــود ومــاخـفـت حــسَّــه
عـلـي هـالـليله جـيتك والﮕلـب عـريس         مــيـلادك عــروسـه .. ويـاكُـبـر عـرسـه
وحْـــروف الـشـعـر يـابـالـحسن خـطـار         إســمـك ثـــوب أبــيـض ﭼانــت تـلـبسه
وفِـتَحْت إلـها مُـضيف ابـساحة الـوجدان         هــسَّــه انـفـتـحت ومـاتـخـلص الـهـسـه

وي خـصمك إجـيت احﭽي واﮔول الـحﮓ         طﮓ بـــطﮓ تـظـل ﭼلـمـاتي مـتـمرسه
كـلـمـن يـنـكـرك يـابـالـحسن مــعـروف         خــلـه يــشـوف أصــلـه ويـنـظر لـرسـه
ﮔوم لــجـهـلـتـك وتــجــاهـلـت آيـــــات         مـسـكـينه وفـقـيره وبـالـحﭽي مـفـلسه
مــن حَـبَّـك لـبـس ثــوب الـكـرامه بـيك         ومـــن نـطـفـتها ﮔوم لـنـكـرتك نـجـسـه
بـــس هــذا طـبـعها الـدنـيه يـابـوحسين         دنــيَّـه تـــرافﮓ الـلـي طـبـعه الـخـسَّه
وحـق الـلي فـرض خـمسه يعالي الشان         لـــولا انــتـه بــعـد مـانـعـرف الـخـمسه
مـوإنته الـلي رافﮕت الـرمح والـسيف؟         وﮔلــب الـديـن بــس ضـلـوعك تـحرسه
مــوإنـتـه يــهــارون الــوفــه لْــخــاواك         طــاهــا وإجــعَـلَـك يـابـالـحسن نـفـسـه
مـوإنته الـلي ثـغرك يـبسَم وْيَّه السيف؟         ونـجـمـة نـــوح لـــوذاك الـمـسا أمـسـه
خــيـبـر مــــن قــلـعـت لـبـابـه يــاكـرار         ظــل الـكـون يـرجـف.. خـايـف اتـجسَّه
عِـشـره ويــاك روحــي يـاحـبيب الـروح         وﭼنــت اَتـلاوه وي ريـح الـهوه الـشرسه
مـتـعـلـم درس حــبــك مـــن الـتـكـوين         وي دمــي ســره وآنــه الـحـفظ درسـه
وبﮕلـــبــي زرعــتــك يـاحـبـيـبي زروع         ومـنـو مـقلي إذا إسـمك (عـلي) غـرسه
لاﭼن يـاعـلي مــو ﭼنــه طــال الـلـيل ؟         وخُفْتَ انسه الصبح.. خوفي الصبح ينسه
عــديـت الـسـنين وكـلـها ﭼانــت ﮔيــض         ولْـيـالـي الـبُـعُـد عــنَّـك تــظـل نـحـسه
أفــرش عـيـني لـدروبك واصـيح الـغوث         ﮔوم الـدنـيـه ظــلـت ضـــدي امـعـبـسه
بُـعد وضـيم وبـاﮔت مـني حـتى الـشوف         ومِــن بِـعـدَتني عـنـك شـلـبﮕه أﮔســه
أشــهﮓ بـسـمك ولـومـا نـبـض طـاريـك         ﭼا والله الــنَــفَـس أتــكــفَّـل بـحـبـسـه
نــظـل عــيـون تـتـوﭼه رُمُــوش الـلـيل         وتِـظـل انـتـه الـنـهار الْـماطفت شـمسه