هلا يانبعة الريحان والطيب=غصن هاشم يبو الطيبه وبدرهه هلا يالبيك محتفله الرياحين=لإنها بيك يتفاوح عطرهه إلك يمشي الزمان يقبل ايديك=ويبوس الﮕاع من جدمك يمرهه يضمك كل مجد متهلف عليك=مثل ضمة طفل لُمَّه وصدرهه إجا شعبان شﮓ صفوف لشهور=فرش طوله على الدنيا بكبرهه واخذ باقه من ﮔلوب المحبين=سﮕاها شوﮒ وبدربك نثرهه إلك يالمهدي هلهل ثغر لمجاد =وميادين العلا مِبسم ثغرهه ومراسيل الليالي بﭽف لنجوم=سطر لول شُبﮓ باخر سطرهه وإجَتك قافيات اللهفه باعذار=كِتَلها المستحه كُوْن اتعذرهه يبوصالح يبو مجد الأماجيد=يصيوان المفاخر يافخرهه يعين لماتنام عله المذلات =مشيت ادروب معميه نظرهه الزمن شفته وﮔف وﮔفة الفنان=وريشة لهفته تعانﮓ صورهه رِسَمْ جفن ورمش حد طرفه متعوب=يفيي بعين كاسرهه سهرهه رِسَمْ سيف ورمح تضد الصواريخ=رِسَمْ رايه وعليم الله سرهه رِسَمْ يوم اللي بيه تخورس الكون=وهو بس صوتك ليحكم أمرهه رِسَمْ ترسانه بيها تزلزل البيد=دهور تأملت يامنتظرهه تِخَيَّر خيرة التنجبها لِبْطُون=إلاه الكون بس وحده اختبرهه أهو صار الصدﮒ وين ليفر وين=اْبْيِدِيْكْ الدنيا من مدهه لجزرهه إذا جدك علي بخيبر شِلَع باب=ﭼَفك يجعل العالي حدرهه واِذا هو عمك العباس عالماي=يشيل الﮕنطره وجدمه عبرهه إلك كل ﮔنظره تزحف لك زحوف=.. خوف.. وتدري تﮕلبها بظهرهه وتجبر خاطر لناداك مكسور=وأول جبر للزهره وكسرهه يثار الله ويثار المات مذبوح=يثار الماشرب جاري نهرهه باﭼر ذولفقارك هوه سلطان=من هالساع خل تنظر ﮔبرهه لن باﭼر بعد ماتلحﮓ تشوف=ولَاتميز بعد برهه وبحرهه يمبعوث العداله وباسط النور=يقرآن وتباهت بيه سورهه إلك يانبعة الريحان حنيت=حنين الﮕاع بملاﮔه مطرهه