مانسيت مصابك وطف كربله=مِن أذكرك سيدي دمعي هِله ياسِوَر وحي المجد وآياته=عْليك ايظل ﮔلبي يجر وناته يالمصابك ماطفت جمراته=دهور تبﮕه مصيبتك متواصله تْوَاصَلْ الهَم والمَدامِع والحَنين=وهالدمع يهدم عروش الظالمين ولو أون واصرخ واندبك ياحسين=تنحب الدنيه لمصابك معوله يامَن اْتْنَوِّح على مصابه السبِعْ=وِلْمُصابك كل ﮔلب ظل منفجع وبس إلَك مخلوﮒ يحسين الدمع=وآية النوح لمصابك نازله شلون مانِدبك وون حتى الممات=يالوهَبت ارواحنا كل الحياة ياثبات الدين يالبيك الثبات=والوحي بصدرك مقامه ومنزله هلال عاشورك وسط عيني يِهِل=الحِزِن والنوح بﮕباله يِحِل موحِشَه طيبه وخِلَت منها النِزِلْ=مَﮕصَد الوفاد مِن مَجدَه خِلَه كل سَنه عاشورَك بْهَمه يعود=وما بُرَح هالنوح واحزان الوجود وإلك جَمرة نوح ياسر الوجود=حاشى تِطْفَى .. بالمَناحه شاعِلَه عَجَت العصرين لَجْلَك بالنياح=مِنْ بِدا هلال الكِدر وعلينه لاح بيها أذْكُر حالك ابِّين الرِمَاح=مْشَابِﭽات عْليكْ كلها بالفله ﭼم ُصاب تشوفك بالطف ﭼم مُصاب=فاﮔِد اصحاب وشِفِت ذبح الشباب جاسم ودمه صُبَح حِنَّه وخِضاب=وزفِته صارت مناحات وبلَه سيدي شْتِمْلِك على الهَم مِن ﮔَلُب=مِن شِفِت لكبر صريع ومختضُب بالسيوف اْمﮕطع وعينك تُرُب=جثته من دم وريده مجدله شَمس شفتك منحني فوﮒ الﮕمر=تشاهد العباس جثه عله النهر تصيح ياخوي الظهر مني انكسر=وإنته محتار بونين العايله خلصوا انصارك براضيها ﭼَتِل=شلت طفلك هالمُهجته تشتعل مِن طلبت الماي لعبدالله الطفل=لَن جوابك صار نبلة حرمله صِرِت وَحدك حَاير بْأَرض الطفوف=عليك خيل وعسكر ارماح وسيوف ظامي وَحدك غَارت عليك الألوف=شلون لَمَّن عجها بالحومه انْجِلَه إنجله ولَنَّك صرت فوﮒ الصعيد=منذبح عطشان محزوز الوريد وزينب بصوت النحب هزت البيد=آه يجدي وفاطمه وعقد الوله