دم تِهمِل العين=مفجوعه روحي مِن أذكُر حسين=ياخذني نوحي أبﮕى أون طول العُمر=مِن أذكُر حسين يامن جاي يسالني=ورايد ياخذ اجْوابه ليش عيوني دوم تسيل=وهذا النوح شسبابه ﮔِتله دموعي بس لحسين=ولجله العين سﭽابه ومصابه يظل جمره=آيحسين ومصابه له جمرة مصاب=حاشها تطفه وظل بِيَّه لهاب=عاشور وطَفَّه تبﮕى المدامع تنتثر=مِن أذكُر حسين بْطرف لساني ظل ذﭼره=ولاماغاب ذﭼره دهور لمصابه يِهِل دمعي=وبصحن الﮕلب محفور ﮔلبي كربله وطفها=وبعيني يهل عاشور وحين يمرني إسم حسين=تجري العين دون شعور له دمعي منذور=ماتطفى ناره دلالي مجمور=ماعندي ﭼاره سﭽابه عيني والعِذُرْ=مِن أذكُر حسين عَدَّوا خمسه بﭽايه=وكلمن صار إله عذره أوَلهم نبي آدم=ويعقوب البﭽى بحسره ويوسف بالسجن ينحب=وناحت عالنبي الزهره وخامسهم علي السجاد=بﭽى لحسين كل عمره موزين لِعباد=لحسين يندبه هالدنيا بحداد=مدمع تِصُبَّه وكل دمعه تتهامل جَمُر=مِن أذكُر حسين العوالِم لو تِعَدِدها=لبو السجاد بَﭽَايَه مو بس البشر ناحت=لجله تبﭽي كل آيه كلها تْنُوحْ لِمصابه=وإلها بالعَرِشْ رايَه عاين كربلاء وشوف=بَشَرْ وَاْمْلاك مَشَايَه تترادف صفوف=وتسبﮕها وَنَّه وبﮕبره اتطوف=لَن ﮔبره جَنَّه ملهوفه روحي ولاصبُر=مِن أذكُر حسين بس لِحسين وليومه=الله خالﮓ الدمعه وهذا النوح أصبح دِيْن=دستور الوفه وشرعه وليبﭽيه رسول الله=وعلي والطاهره البضعه شلون الروح ماتنعاه=وهوه لْنِدبته السبعه حﮓ عيني تبﭽيه =ودموعي من دم ودموعي اْعْليه=تِطفي جَهَنَّم أفزع واوِن لو بالﮕبُر=مِن أذكُر حسين للي مِنْذبِح عطشان=دمع العين يتنثر أجزع بالنحب لَمَّن=أذكر ﮔَطعة المَنحَر شنسى صدره المهشوم=وجسمه اللي بﮕه موذر وخِيَم ملهوبه بالنيران=وخدر مسلوب وميَسَر من دمعي نهران=لصوابه تجري وﭼفوفي باحزان=تِلطم بصدري تركض ﭼفوفي للصدر=مِن أذكُر حسين