آنـــه وْيَـــه الــجـروح نـجـيك مـشـايه         وْضَــعـن امْـخَـدراتـك دمــعـي حـدايـه

مـسابﮓ لـلطفوف آنـه وجرح عاشر         أركــض لــك ركـض بـين الـدمع حـاير
أتــعــنـى مـــثــل مـايـعـتـنـي جــابــر         يـــم ﮔبـــرك ومـثـله يـعـتلي بﭽايــه
أجـي لﮕبـرك ضـعن بـالنايحه مـسلَّب         بـعـد ضـيـم الـيسر يَـمَّك رجـع يـنحب
أجـيـك وأذكــر اشـلون ارْجَـعت زيـنب         مِـــن بــعـد الـيُـسُـر وبـهـمـها عـنـايـه
أجــي مـكسور واحـمل لـوعة سـكينه         وصـدى صـوت اعـتله وين الﮕمر وينه
أجــي بـحـسرة ﮔلـبـها وحــرﮔة ونـينه         مــن صـاحـت لـبـو الـنـوماس شـكايه
أطـــب لـكـربله وَيَّــه الـثـكالى بـنـوح         بـنحب رمـله أجـي بشموع كلها جروح
وربـاب اويـاهاْ اْوِن لـلي بسهم مذبوح         طـفـلها ويــن وحﮕهــا تـنـوح .. أُمَّـايه
أفـــزَع ويَّـــه لـيـلـى واعـتـني الأكـبـر         ومـثـلها بـالـمشي مــن أمـشي أتـعثر
واضــج اْبْـصُـوت وَيَّــه صـيـحة الـخِدَّر         مِــن تِﮕصِــد حـزينه لـصاحب الـرايه
ما أمشي مشي .. أزحف لبو النوماس         واصـيح بـصوت أون مـاتدري يـاعباس
زيـنـب يـسـروها وفُـرجـه بـين الـناس         طــافــوا بـيـهـا بــيـن ولايـــه لــولايـه
أجــي عـاشـور ظــل مـكـسور بـونينه         مـــن ون ولــطـم لـمـصاب عـشـرينه
نــاعـور الــحـزن يـحـسـين فــر بـيـنه         والــمـوت عــلـه حــبـك آنــه شـرايـه
إلــك يـحـسين أَمَـشِيْهَا إيـديه زحـوف         وحمامه الروح عِد ﮔبرك تحن وتطوف
زوارك نـطـت لـجـل الـزيـاره ﭼفـوف         وآنــه انـطـي الـعـمر يـلـوصْلَك الـغايه