وقف يم قبر جده=ودمعه فوق خده وصاح بحزن=علينا الزمن يهادينا تعدى خذني يبو ابراهيم=ابهاللحد وياك تدري بي من صغري=مقدر على فرقاك وبس من رحت عنا=جارت علينا عداك هجمو على دارك=اوروعو أبناك وظالم عصر .. أمي الطهر=ومنها نكسر .. من عصرته ضلعين ومحسنها خر .. وظل يعتفر=وتالي نسطر .. وجه الشرف والعين يجدي قوم الاشرار اغتالو حامي الجار بسيف الغدر .. أبونا نطبر=في دار العبادة واخوي الحسن .. بسم الضغن=تكرم بالشهادة راحو هلي كلهم=وبقيت انا وحدي متمرمر بدنياي=والضيم يا جدي واليوم هالملعون=عزم على طردي ومن هالوطن شايل=آنا وهلي وولدي صاح الرسول .. يبن البتول=حالك مهول .. وادري انا بحالك روح الطفوف .. إسعى وطوف=وخل السيوف .. تقبل اوصالك في أرض الشهادة بتنال الشهادة تشوف الرجال .. بحر الرمال=وانت ما لك معين وتطيح وشمر .. يدوس الصدر=ويحز الوريدين ودع قبر جده=وراح القبر أمه ودعها بالأحزان=وصب دمعه بدمه وراح القبر خيه=وخر يشتكي همه وناداه انا شايل=ياللي قضى بسمه قلبه نمرد .. والداره رد=وهو مستعد .. لمفارق اوطانه نادا البطل .. يابا الفضل=دن بعجل .. لخيك حصانه وجهزو هالضعينة و ودعو هالحزينة العليلة اجت .. واله قبلت=وصاحت خذني وياك عني تروح .. و اقعد أنوح=يا بوي على فرقاك جعفر جمعة / المقشع البحرين