زينب تسأل والدموع سايلة=خبريني يا سهام حرملة وش تسوين .. بعزي حسين بلسان الحال صاحت=سمعي سمعي يالوديعة كافلش باب الحوايج=أبو فرجة على الشريعة أنظره حاضن الراية=بصدره وكفوفه قطيعة واخسف عيونه ويظل=القمر في حالة فضيعة من بعد ما أشق جوده=يابنة الزهرا الشفيعة وبالخيم سكنة الحزينة=ترتجي بلهفة رجوعه ويترك حسين .. ماله معين ومهجة الهادي أشوفه=حامل بصدره رضيعه والطفل رقبته قبالي=تلوح سمعي هالفجيعة وأقصده وأفري وريده=ياهو يصنع هالصنيعة ويظل يتعفر بصدره=والولي يجري دموعه ويتجه لله بدم طفله=وهو يشكي بلوعة ويرد للخيمة برضيعة=مروي قماطه بنجيعه ولو تشوفين .. حالة حسين وتالي أتوجه لصدر=بن النبي كعبة الشيعة واخرج بثلثين قلبه=من القفا و أبهض جموعه وعن ظهر مهرة يخر=على الثرى بحالة شنيعة ويتم مرمي يجر ونة=بأثر ونة بن الشفيعة وينقطع رأسه ويشيلونه=بالرماح الرفيعة ويظل جسمه على الوطية=ولعوجية ترض ضلوعه وانتي تبقين .. مالش معين جعفر جمعة / المقشع