حسين يبن امي معاي اقعد ترى=بالقلب نار الاحزان موجرة وعلى الفرقة هالقلب شيصبره=غارقة اختك في بحر أحزانها حسين يبن امي أريد أقعد معك=خبرني عن باكر وانا بس بسمعك تودع امني وانا باودعك=هيئ اختك يالولي لأشجانها صاح يالكنتي عزيزة مدللة=من صبح باكر تشوفين البلا استعدي لمصايب كربلا=ترى تشوفيني على تربانها الله يعينش على عظم المصاب=باكر تشوفي علي زين الشباب يجذب الونة ويحفص بالتراب=وليلى أمه النوح يمسي شانها رملة باكر آه يمهجة فاطمة=تنظر الجاسم مخضب بالدما مرمي بين اخوته وروحه مسلمة=وامه تولول على شبانها ويوقع على النهر شيال العلم=دمه يجري وعينه مخسوفة بسهم وبالعمود القمر راسه ينهشم=ويبقى جثة مقطعة ذرعانها بن امش تشوفينه في حال فضيع=على صدره تشوفي عبد الله الرضيع ضامي وقماطه متروي من النجيع=ونحره مقطوع بسهم عدوانها باكر تشوفين أهلي والاصحاب=رضع وأطفال وشيوخ وشباب كلهم بلا روس صرعى على التراب=نجوم باعت فلكها بتربانها باكر يصيبون راسي بالحجر=وسهم المثلث يجيني بالصدر ويخرج بثلثين قلبي من الظهر=وتجمع العركة على فرسانها باكر تشوفيني إنتي وعيلتي=بالترب مرمي وأطوح ونتي دمي جاري والضما يفت مهجتي=وتظلم بعيني يخيه اكوانها باكر تنظري خليصش يعتفر=باكر تشوفي على صدري شمر ويبرك على ظهري ويحز النحر=وتنظري راسي بعالي سنانها وأظل مرمي عاري بليا ردى=وجثث أهلي حولي كلها ممددة وتالي ترض صدري خيول العدى=وخيمتش بيها تشب نيرانها