أنا راس حسين وين الجسد خبروني أرد انشده شصار .. واخبره بخبار من وصل راس الحسين=وشاف جسمه بالقبر صاح علمي بك يهالمسلوب=من حزني شمر وانت صرت على الترب=مرمي وانا رحت بيسر اخبرني عن حالك بعد=فرقاي وفصل لي الخبر قال شالك على سنانه=الشمر تزهر كالقمر وغارت خيول الأعادي=بنارها تشب الخدر وجتني زينب شابكة=على الراس ويلاه بالعشر تقول حرقو خيمتي=يحسين بالله وين افر وين اولي وبيتاماكم بليتوني وين اولي وين .. يا خليصي حسين وتالي السلاب جاني=مثل قطاف الثمر هذا كفيني قطعها=وذاك للخنصر بتر وجتهم الحورا تنادي=والدمع شبه المطر ما بقى مسلم يواري=جسم بن خير البشر نادا بن سعد الرجس=لبو ندا بنت الطهر ورضضو بالأعوجية=صدري وطحنو الظهر وبقت زينب تهل دمع=العين وتدق الصدر وعلمي بيها وبيك ياراسي=من صبح احدى عشر سافرت وياك وانا بغبرة عفتوني مرمي بالأوهاد .. وحولي الأجساد وتالي جاني السيد=السجاد يحفر لي قبر شاف قوم آل اسد حولي=قال صدقوني الخبر قالو جينا نواري=هالأجساد بس صعب الأمر جينا نرفع هالجسد=بس ما أحد منا قدر قال حفرو هنا حفيرة=والدمع منه انحدر شافني مبضع ولمني=ببارية وقلبه انفطر وانحنى وحطني بقبري=وقبلني بالنحر وحط رضيعي على صدري=وعاد شبلي لليسر صاح راس حسين جاني قرة عيوني والدمع نثار .. وقلبه يسعر نار ياجسد تبدا المصايب=ضحوة الحادي عشر دنو النوق الهزل=وبلا هوادج لليسر وقيدو زين العباد=وهو للونة يجر وكلما طوح الونة=دموع نسواني تخر وراح للكوفة ظعنا=والذي يقوده زجر ويحدي النوق بسبيبتنا=وضما وجوع وسهر والذي تنخي علي=الكرار يضربها شمر وعلى بن زياد الرجس=دخلت حريمي بلا ستر كم مصيبة وكم بلية بيها فجعوني راس زينب شاب .. اوقلبها ذاب ومن الكوفة طلعنا=للشام بالذل والصبر شلون أشرح لك بلايا=اللي شفتها بهالسفر وقفو بدروازة الساعات=ضعني للنظر جبهتي ام حجام صابتها=يجسمي بالحجر ودخلونا على يزيد=بمجلسه والكل حضر وكسر اسناني بقظيبه=وصب علي كاس الخمر وقعدو أهلي بخرابة=لا تكن عن برد وحر وماتت الطفلة رقية=من اليتم ومن القهر في طشت من ذهب آمر لها يجيبوني حالتي شافت .. وشهقت ماتت جعفر جمعة المقشع / البحرين