عــــدد الأبـيـات
0
عدد المشاهدات
2105
تاريخ الإضافة
09/03/2010
وقـــت الإضــافــة
5:11 مساءً
لن يحجب ضوء الشمس سحاب ولن يطمس ضوء القمر ظلام وسيبقى النور يبدد العتمة وبدون النور لاتُبصر العين الجمال ولاتتمتع بالموجودات وهذا هو المذهب النوراني لآل البيت وحيث انهم عدل الكتاب ستبقى حماية الباري لهم الحصن المنيع والحد الذي ترتد عنده يد البُغاة.
تـعـلـمنه الـصـبُـرْ مـايـومْ بَـابَـه نــرده ونـسِّـده
عَـلـمنَا الـزِمَـان انـضـوگ مُـرَّه ومـايهم شَـهْدَه
رُبَـيْـنَا ويــا الـصَـبُرْ تـوم ومَـهدنا يـجاور لـمهْدَه
لَـحَدْ مَـا هَـالْزِمَان اعْـتَرف احـنه بـطوله وبْگَدَّه
لاحــظ كِـلْ وجـه شـيعي تـلگه صـروفه بـخَدَّه
ولـو تِـكْشِفْ گلُـبنا انچَانْ تشوف من القهر نَدَّه
أخـذنـا الـصَـبُر مِـنـكم سـيِّـدي الـقائم ومَـنْهِدَّه
لگيـنـاكُم جِـبَل شـامخ وكِـلْ عـاصف يـرِدْ مَـدَّه
ولافَـيْـضَـانْ يُـعْـبُرْ صـوبـكم ويـمـر بَـعَـدْ بَـعْـدَه
وتِـرْتَـد الـسـيول الـتـعرف انـتوا الـمانع وسَـدَّه
شِـلْنَاكُمْ وسـط الـعيون اوجِـفِنَّه اعليكم انسِدَّه
وعَـيـن الـما تـظمْكُم سـيِّدي تِـتْعَامَه لـو رَمْـدَه
وگلـب الـمَايودكُمْ مـوگلبْ ومـن الـصَدِر طُرْدَه
گَلُـبْـنَـا بـعـالم الـمِـيثَاق عَـاهـد والـتِـزَمْ عَـهْـدَه
وحَگَّك سـيِّـدي نُـرْفُـضْ گَلُــبْ مـايوفِي بـوعْدَه
لِــذلـك بـالـبشِّدايد نُگْصــدك ولـنَـبْعَك انــوِرْدَه
بـس هـاليوم صُـعْبَتْ والـصَبُر مـتوازي يَمْ حَدَّه
صُبَحْنا اليوم مَضْرَب للسِّيوف امْنِ الفُگَد رُشده
صِـرْنـا نگوم مِــنْ شِــدَّه ونُـوگَعْ سـيِّدي بـشدَّه
ودوم نگُول مَـيـخَـالِـفْ لابُــــد تِـنـتـهي الــعِـدَّه
شِـيـعَة حـيـدره مـن زمَـان عَـالشِّدات مِـتْعودَه
شِـيـعة حـيدره أخـذت وِسَـام الأصـل والـجُوده
يـتْـكَالَب عـلـينا الـيـوم يـزيد الـعصر وَيْ جُـنْده
والـحـاقـد يـحـضـنه ويـسْـنِـدَه يـحـميه ويـأيـدَه
چَاْ لِـشْـوَكِتْ نــبگه سـيِّـدي هَــمْ نُـطْلُب لـوِدَّه
طَـالَـتْ غَـيـبتك يَـايـومْ گَلــب الـعَاشِگ اتْـبَرْدَه
طـالـت سـيِّـدي الـقـائم يَـمْـته الـواگعْ اتْـسِنْدَه
يَــمـتـه يَـانـظـر عـيـنـي تِــمِـد ايـديـنـك لــيَـدَّه
أگُلَّـــك ســيِّـدي خَــايـف مــاي الـصَـبُر يـتْـبَدَّه
أگُلَّـك سـيِّدي صـار الـدُعَه بـدعه شِـرِكْ عـقدَه
أگُلَّــك سـيِّـدي اصْـبَـحْ كُـفـر عـالتُربَه الـسَجْدَّه
اگُلَّــك هَـالْـعِدا حـتـى الـلـسان تـرُبْطَه وتْـقَيْدَه
تِـدري سـيدي امـن الـحَقْ تِـخَاف امـيَّه وتْصِدَّه
جَــدَّك مِــنْ رُفَـض لِـلْذِّل ظَـلْ لانَـاصِر اوحَـدَه
والـتَـارِيـخ كُـــلْ فــتـره يـعـيد حـسـين ويــرِدَّه
ويـرجـع مِـنْ جِـدِيد يـزيدْ يِگْطَـعْ نَـحْرَه ابْـحِقْدَه
وچَمْ جَـعْده تِـدِّس الـسم وچَبد المجتبى اتْمُرْدَه
بَـسْ يَـبن الـحَسن هَاليوم ألْف يزيد ألف جَعْدَه
كِـلـهَا اتـكَـالِبت عَـالـشيعه تِـهْـدِم بـيـتنا اتْـهِـدَّه
بـكل فـتره صـلف جـاهل تبع شيطان هَمْ عَبْدَه
يـكَـفُّرنَه ورُبــت مِـنْ خَـير ارضـنا عـياله اولْـدَه
لـيَـمته سـيِّـدي يُــبگه حُـسـامَك نَـايـم بـغُـمْدَه
يـمـتـه سـيِّـدي قـائـم يـمـينك يـنـهي هـالـشِدَّه
گِلِّـي بـيَاوَكِتْ مَـانِلگَه شُـوك ونـلگه بَـسْ وَرْدَه