إبـمـولدك طــار الگلـب بـالفرح         وگلـب الـبتولة والـوصي إنـشرح
لاهــم بگى ولاغــم وزال الـتـرح         وطير المحبة إبصوته لجلك صدح


مـحـله جـمـاله وهـيـبته وطـلعته         مـثل الـنبي وحـيدرة مـن نظرته
ونــور الـبـتوله الـطـاهرة بـغرته         خـجلان نـور الگمـر مـن بـسمته


لــو أنـظـره مگدر أزيــح الـنظر         حـرت أوصـفه هـذا ملك لو بشر
لـو يـعطي أمـره لجله تبرد سقر         الـحور ظـلت تـطلبه إمن الصغر


يـالـمجتبى مـثـلك بـعـد مـنـوجد         بـحـر الـكرم والـكرم مـنك أخـذ
أطـهر سـلاله هـالنسب أب وجد         مـايوم عـن فكري اختفى وابتعد


يـاللي إخـمدت نـيران كل الفتن         لـمن عـوى الملعون أصل الوثن
گلـبي إلـك صـاير محطة وسكن         تـاج وفخر عالراس طول الزمن


بـالصلح فوت كل فرص عاللعين         وأحـقـن دمـه وأرواح لـلمؤمنين
زيـف وتـلاعب وضـح للمسلمين         بعده نهض مولاي أعني الحسين