شعراء أهل البيت عليهم السلام - يازاير كربلا ودلي

عــــدد الأبـيـات
33
عدد المشاهدات
2126
نــوع القصيدة
عامية
مــشــــاركـــة مـــن
تاريخ الإضافة
04/03/2010
وقـــت الإضــافــة
12:49 صباحاً

يازاير كربلا ودلي=رساله لمن اتسافر وگله خادمك يطلب تكتبه هم بعد زاير يازاير روح وتعنه=وبعد ما تگطع السفره ابحسره اوگف واستاذن=وخل الرخصه بالعبره بتعرف=الأذن مسموح اسجد قبل الأعتاب=وذكر طيحته ابغبره لمن طاح محد جاه بس الشمر بالباتر اوگف محني الاضلاع=وسلم والدمع نثار وگله خادمك گلي=لمه اتشوف غريب الدار ياوسفه حاله مايسمح=يزورك جسمه بالبلد موجود=لكن گلبه يمك صار ابحمام الحرم متشبه على افراگك ماهو صابر يزاير امسك الشباك=وهزه ابگلبك المفجوع وساله اشحال زينب يوم=شافت راسك المقطوع وجسمك بالثرى=اموذر اضنه اتريد تغسيلك=مو بالماي بل بدموع غصبا عنها متيسره تروح ابوليت الكافر بتسمع صوت عبد الله=على صدره الذي اتكسر يگلك شيعي ذبحوني=السهم صوبني بالمنحر وضعت ايدي على صدري=لگيت ادماي تتطشر روحي رفرفت بالحال=عليه الوالد اتحسر وجفن امي ابد مانام على مهدي بگى ساهر سلامي بلغه الأنصار=وعلي الأكبر مع الجاسم وحبيب الي نذر عمره=الى نصرة بني فاطم واذكر وگفت المظلوم=عليهم ابدمع ساجم يصيح ابغربه عفتوني=وحيد ابوسطت الوادم على التربان نومتكم وتخلوني بلا ناصر وتالي اگصد لبو فاضل=وسلم وحني ليه الراس ونشده يالذي كافل=خدر زينب يابو النوماس عجيبه اشلون يالفاضل=تعوف اختك مع الأرجاس نعذرك يالأخو الواصل=ابگطع چفين يالعباس لوسلمت لك الچفين ماضل السبط حاير بعدها روح=للمخيم واوگف ابمكان اللي=سبوا زينب مع الأيتام وعاين خيمه منصوبه=ومزيونه العرس جسام معرس ما اله حنه=مادام العرس مادام چفه ابدمه اتخضب عليهم هالزمن جاير
Testing