يـاطـير الـطـاير إگبـالـي         ريـــض وإرحــم بـحـالي


يـطـيـر الـطـاير إگبـالـي         أطـلبك لـحظة لـوتسمح
يــريـتـك تـاخـذإدمـوعي         وعلى جرح الأخو تمسح
يـمـكن تـشفى إجـروحه         وأشوفه گبالي من أصبح

مــحـلـة لــمـة الأخـــوه         مـشـيـنـه عــنـهـم بگوه


أريــدك لـلـفرات إتـروح         وتـاخـذ مــاي لـوگطـره
وتـنزل بـالعجل لـحسين         تـبـل إبـهـا عـلـى نـحره
بـتشوف الـطفل مذبوح         عـبـدالله عـلـى صــدره

تـدري الـسهم وشـسوه         كـفـر مـاعـندهم مــروه


روح وجـيب كـل صحبك         وجـمـيع طـيـور هـالعالم
وحـلـوا بـروضة الـزهره         ويـمـها إنـصـبوا الـمـاتم
تـركـوا عـنـكم الـتفصيل         أخـــاف إعـلـيـها تـتـألـم

أهـل طـيبه تـرى برجوه         إجـيـهم صـاحب الـنخوه


يـريـت إتـفـزع أصـحابك         يـحـفروا گبــور لـلوليان
مـيـنـاسب إبـــن حـيـدر         يضل عاري على التربان
هـــذا خــامـس الـعـتره         ويـتـركـونه بـــلا أكـفـان

إمـــن الــمـاي مــتـروه         گلــوب تـعـيش بگسـوه


إبــدمـه إصـبـغ جـنـاحك         وگصـــد جــده الـمـختار
وگلــــه يــارســول الله         گوم إنـــــروح لــلـكـرار
نـتـعاون عـلـى الـصرعه         ونـجـهـز غــريـب الــدار

يـريت الـموت الـيه إدوه         حـيـاتي بـعـده مـاتـسوه


الـعلم عندي عن الشيعه         تـــــــــــــنـــــــــــــوح
تـهـتف يـالـبگيت إوحـيـد         ويـلـي إعـليك يـامظلوم
تـجـيـك تـــزور ابـلـهـفه         وتـلـطم عـالگبر وتـحوم

تـصـيح رجــال والـنسوه         دخـيـلك صـاحب الـنخوه