يــادهـر لــيـش تـقـصـدت تـظـلـم الـعـتـره         شـلـي جـنـو نـسـل الـنـبي تـقـصد الـغـدره
يــوم الـسـقيفه الـلـي نـعقد وانـتشر شـره         لـلـيـوم احــفـاد الـرجـس تـحـمل الـجـمره

امــــة مــحـمـد خـالـفـو وصـــارت عـــدوه         وسـفـه أهــل بـيـت الـوحـي وعـلـم الـنبوه
اتـــشــردو بــكــل بــلــد وراحــــو بــقــوه         حــتـى طـفـلـهم مـاسـلـم گلـــي اشـسـوه

مـنـهـم گضـــوا بـكـربـلا بـالـسـيف مـذبـوح         ومـنـهم شـرب سـم جـبدته امـتلت بـجروح
وبـظـله سـجـون اخـتـفوا وبـبـرور وسـفوح         ومـهـم عـلـيهم فــي عـزه دايـم مـع الـنوح

بــوط الـقبر تـبجي وتـأن مـن فـعله الـقوم         تـنـصـب عـــزا لـمـصـيبه الأولاد كــل يــوم
و الــل انـطـبر بـمـسجده بـسـيف مـسموم         وعـلى الـحسن اللي نزف من جوفه لدموم

وعـضـم عـلـيها امـصـيبه الـمـذبوح لـحسين         مـاهـدأ ونـهـا مــن الــبچى مـحـمرة الـعين
ولـمـصيبته نـسـيت ألــم كـسـرة الـضـلعين         ومــو گيــد واحــد لـلـولي الـسـجاد قـيـدين



وانــظـر بـحـسـره لـلـبـقيع شـلـون لگبــور         رغـم الـظلم ورغـم الـهدم مـاينطفي الـنور
نـــورالله بـاقـي لـلأبـد رغـمـا عــن الـجـور         نگطـــع مـسـافه ونـعـتنيكم سـادتـي نــزور

وابــو الـرضـا ضــل يـنتقل مـابين الـسجون         مـأخـوذ قــوه مــن الـوطـن قـتـله يـريدون
بـأمـر الـرشـيد الـظـالم الـطـاغي الـملعون         الگلـــب لـمـصـاب الـولـي يـبـجي ولـعـيون

وجـسم الـولي ضـل يـسحبونه برجله لگيود         يـصـعـب عـلـينا مـنـظره بـالـجسر مـمـدود
والـنـاس تـلطم عـالصدر وتـخمش بـالخدود         جـسـمه تــرى مـوبـالثرى بـالگلـب مـوجـود