آه ويلاه يالمرتضى=آه ويلاه يالمرتضى إبتاسع عشر حل الظلام=وسيف الرجس صاب الإمام ضجت العيله والأيتام=ماتغفة عيني وماتنام إبچبدتي شبت لضى آه ويلاه يالمرتضى جبريل ينعى في السما=وسفة الفرض ما تممه إمن الصغر متيتمه=لاحيدر يمي وفاطمه فقد الأبو شي عوضه آه ويلاه يالمرتضى شالوا الوصي ودمه يسيل=بالسم صبح جسمه عليل صرح العلى أصبح قتيل=حزني عليه دايم طويل إنسلم بحكم القضى آه ويلاه يالمرتضى حيدره ضل يوصي الحسن=سلمه ميراث وسنن يالمجتبى تگاسي المحن=وحسين إظل بلا وطن ويضيق بيه رحب الفضى آه ويلاه يالمرتضى خله تودعه كل هله=للمغتسل خويه حمله وإبماي عيني غسله=وبهداي عزنه نزله باب العلم عنا مضى آه ويلاه يالمرتضى بتارك ظهره إنفصم=محرابك يبجي إبألم وشفت الدرع ويه العلم=سئلوني عن راعي الشيم گلتلهم مات المرتضى آه ويلاه يالمرتضى