يــا حـسـين يـا الـحبك مـلك مـهجتي         بـالـدنـيا انـــت وبـالـحـشر حـاجـتـي

يـا حـسين يـالاسمك شـفى والـدوى         انـت الـمطر انـت الـشمس والـهوى
گلبي اعلى عرشك من اجيت استوى         بـاسمك تـرفرف فـي الـخلگ رايـتي

انــت الـصلاة والـصوم انـت الـفرض         انــت الـسـما لـلـناس وانــت الارض
خـيل الـعدى يـا وسـفة صدرك ترض         اضــلاعـك الــصـارت الـــي قـبـلـتي

اعــظـم نـبـي طــه نـصـب مـاتـمك         ظـل يـبچي لـمن ذكـر يـسفك دمـك
هـــو الــلـي دايـــم بـالـمهد لازمــك         مـــن يـنـظـرك ايـصـيـح وا فـجـعتي

لــمـن اريـــد ازور عـــرش الـجـليل         اگصـــد فــيـا فـــي كــربـلا لـلـقتيل
مــنـي الــدمـع ابـابـه غـصـبا يـسـيل         الـمـيـزان يـــثگل ابـفـضـل دمـعـتي

ســيـدي واذكـــر يــا مـصـيبة وامــر         اذكــر جـبـينك يــوم صـكـها الـحـجر
لـــو لـلـسهم الـلـي وصــل لـلـظهر         فــدوى الـك يـا ريـت اجـى إبچبـدتي

اذكــر رضـيـعك فــوگ صـدرك ذبـيح         مگطـوع راسـه ومـنحره بـدم يـسيح
وابــنـك عـلـي مگيــد ابـذلـه يـصـيح         ويــن الاهــل تـحـضر إلــي بـغـربتي

اذكـــر بـنـات الـمـصطفى امـيـسره         واطـفـال ظـلـت ضـايـعه امـطـشره
ابـــلا خــيـم بــاتـت أســف بـالـعرى         وزيـنـب تـنـادي تـصـيح ويـن اخـوتي