مابين إخوانه مابين إخوانه=جابه الشهيد بوسط صيوانه الأكبر طلع يحمل على العسكر=ضل يرتجز ذكرهم بحيدر ثار العجاج والكون صار أغبر=درعه العزم والسيف إيمانه برمح المنيه اليخطف الأبطال=ظنت عساكرها وگع زلزال فرت من إيده تلتجي بتلال=وليلى بدعاها هذا أعوانه بكر إبن غانم طب إليه بغرور=شاف الولد يزهي ويشع بالنور السيف بيده مبتسم مسرور=عاجله برمحه وخر من إحصانه راس الرجس شاله وجا فرحان=يريد الهدية من الأبو عطشان گله الصبر لمن تصل لجنان=چبدك تصير إهناك رويانه رد للحرب وگلبه يشب نيران=حاطت عليه الخيل والفرسان صابه الرجس بالسيف وضل حيران=راح الفرس بوسط ميدانه جاه الأبو يصفگ على الچفين=شاف البدر مترب الخدين ودني بعجل إلعمتي يحسين=وأمي الحزينه أدري وجعانه شال الولد لكن إشلون إنشال=مشگوگ راسه مگطع الأوصال من شافته زينب بچت بالحال=ينزف دمه متغيره ألوانه